കുന്നിടിഞ്ഞ് വീണ് വെയിറ്റിംങ് ഷെഡ് നിലംപൊത്തി

By Web Desk - MainJun 15, 2018, 21:16 IST

ബദിയഡുക്ക:(www.kasargodvartha.com 15/06/2018) കഴിഞ്ഞ ദിവസം രാത്രി പെയ്ത കനത്ത മഴയില്‍ മണ്ണിടിഞ്ഞ് ബസ് വെയിറ്റിംഗ് ഷെല്‍ട്ടര്‍ പൂര്‍ണ്ണമായും നിലംപൊത്തി. പെര്‍ള -സ്വര്‍ഗ്ഗ റൂട്ടിലെ കോട്ടയില്‍ നാട്ടുകാരും സന്നദ്ധ സംഘടനകളും ചേര്‍ന്ന് പണിത കോണ്‍ക്രിറ്റ് ബസ് കാത്തിരിപ്പ് കേന്ദ്രമാണ് കഴിഞ്ഞ ദിവസം രാത്രി 10 മണിയോടെ പൂര്‍ണ്ണമായും നിലം പൊത്തിയത്.

പകല്‍ സമയത്ത് സ്‌കൂള്‍ വിദ്യാര്‍ഥികളടക്കം നിരവധി പേരാണ് ഈ ബസ് കാത്തിരിപ്പ് കേന്ദ്രത്തെ ആശ്രയിക്കുന്നത്. രാത്രിയോടെ തകര്‍ന്നതിനാല്‍ വന്‍ ദുരന്തം ഒഴിവാകുകയായിരുന്നു.