പെണ്‍കുട്ടികളോട് ബസ് പാസ് ചോദിച്ചതിന് കണ്ടക്ടറെ മര്‍ദിച്ചു; തടുക്കാന്‍ ചെന്ന ഐ ടി ഐ വിദ്യാര്‍ത്ഥിക്കും പരിക്ക്

കാസര്‍കോട്: (www.kasargodvartha.com 01.11.2018) പെണ്‍കുട്ടികളോട് ബസ് പാസ് ചോദിച്ചതിന് കണ്ടക്ടറെ മര്‍ദിച്ചതായി പരാതി. തടുക്കാന്‍ ചെന്ന ഐ ടി ഐ വിദ്യാര്‍ത്ഥിക്കും മര്‍ദനമേറ്റു. ബന്തടുക്ക- കാസര്‍കോട് റൂട്ടിലോടുന്ന തത്വമസി ബസ് കണ്ടക്ടര്‍ പെര്‍ളടുക്കത്തെ സുരേഷിന്റെ മകന്‍ അനുരാജ് (21), ഐടിഐ വിദ്യാര്‍ത്ഥി ബന്തടുക്കയിലെ പുനിത് (18) എന്നിവര്‍ക്കാണ് പരിക്കേറ്റത്. ഇവരെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു.

വ്യാഴാഴ്ച വൈകിട്ട് അഞ്ചു മണിയോടെയാണ് സംഭവം. വിദ്യാനഗറിലെ ഒരു സ്‌കൂളിലെ വിദ്യാര്‍ത്ഥികളാണ് ആക്രമിച്ചതെന്ന് അനുരാജ് പരാതിപ്പെട്ടു. മുഖത്താണ് ഇരുവര്‍ക്കും പരിക്കേറ്റത്.