സർവീസ് റോഡിൽ ഒടിഞ്ഞുനിൽക്കുന്ന വൈദ്യുതി പോസ്റ്റ്; കാൽനടയാത്രക്കാർക്ക് ഭീഷണി, തിരിഞ്ഞുനോക്കാതെ കെഎസ്ഇബി

ചൗക്കി: (KasargodVartha) മാസങ്ങൾക്കു മുൻപ് നടന്ന വാഹനാപകടത്തെ തുടർന്ന് ഒടിഞ്ഞും ചെരിഞ്ഞും നിൽക്കുന്ന വൈദ്യുതി പോസ്റ്റ് മാറ്റിസ്ഥാപിക്കാൻ നടപടിയില്ലാത്തത് കാൽനടയാത്രക്കാരെ ഭയാശങ്കയിലാക്കുന്നു. മൊഗ്രാൽപുത്തൂർ ചൗക്കി ദേശീയപാത സർവീസ് റോഡിലാണ് ഇത്തരത്തിലൊരു വൈദ്യുതി പോസ്റ്റ് തകർന്നു കിടക്കുന്നത്. ഏത് നിമിഷവും നിലംപൊത്താവുന്ന അവസ്ഥയിലാണ് പോസ്റ്റ് ഉള്ളത്.

തിരിഞ്ഞുനോക്കാതെ കെഎസ്ഇബി

മാസങ്ങൾക്ക് മുൻപ് ഇവിടെ ബസും ലോറിയും കൂട്ടിയിടിച്ചുണ്ടായ അപകടത്തെ തുടർന്നാണ് വൈദ്യുതി പോസ്റ്റ് ഒടിഞ്ഞതെന്നാണ് നാട്ടുകാർ പറയുന്നത്. മാസങ്ങൾ കഴിഞ്ഞിട്ടും ഇത് നന്നാക്കാൻ കെഎസ്ഇബി അധികൃതരുടെ ഭാഗത്തുനിന്ന് യാതൊരു നടപടികളും ഉണ്ടായിട്ടില്ല. ഇതിലൂടെ ദിവസേന നൂറുകണക്കിന് വാഹനങ്ങളും കാൽനടയാത്രക്കാരുമാണ് കടന്നുപോകുന്നത്. തിരക്കേറിയ പാതയായതിനാൽ പോസ്റ്റ് തകർന്നുവീണാൽ വലിയ ദുരന്തമാകും സംഭവിക്കുക.

അടിയന്തര നടപടി വേണം

കാലവർഷത്തിൽ വലിയ കാറ്റും മഴയുമൊക്കെ ഈ വൈദ്യുതി പോസ്റ്റ് അതിജീവിച്ചതിലുള്ള ഏക ആശ്വാസത്തിലാണ് ഇപ്പോൾ പ്രദേശവാസികൾ. എങ്കിലും ഏത് സമയത്തും അപകടസാധ്യത നാട്ടുകാർ മുൻകൂട്ടി കാണുന്നുണ്ട്. 

അതിനാൽ തന്നെ അപകടം സംഭവിക്കുന്നതിന് മുൻപ് എത്രയും പെട്ടെന്ന് വൈദ്യുതി പോസ്റ്റ് മാറ്റിസ്ഥാപിക്കാൻ അടിയന്തര നടപടി വേണമെന്നാണ് കാൽനടയാത്രക്കാരുടെയും നാട്ടുകാരുടെയും ശക്തമായ ആവശ്യം.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: Months after being damaged in a collision between a bus and a lorry, a broken electricity pole on the Mogral Puthur Chowki NH service road continues to pose a severe threat to pedestrians and motorists due to KSEB's inaction.

#KasargodVartha #MogralPuthur #Chowki #KasaragodNews #KSEB #KeralaElectricity #RoadSafety #MalayalamNews #KeralaNews #AparnaNews