പാലം നിര്‍മാണം; ഡി വൈ എഫ് ഐ വിജിലന്‍സിന് പരാതി നല്‍കി

മൊഗ്രാല്‍ പുത്തൂര്‍: (www.kasargodvartha.com 08.06.2019) അനധികൃതമായി പൊതുഫണ്ട് ഉപയോഗിച്ച് പാലം നിര്‍മിച്ചതായി കാണിച്ച് ഡി വൈ എഫ് ഐ വിജിലന്‍സിന് പരാതി നല്‍കി. മൊഗ്രാല്‍ പുത്തൂര്‍ പഞ്ചായത്തിലെ ഒന്നാം വാര്‍ഡിലെ മൊഗര്‍ തോടിന് കുറുകെ പൊതുവഴിയല്ലാഞ്ഞിട്ടും ഒരു വ്യക്തിയുടെ പറമ്പിലേക്ക് ലക്ഷങ്ങള്‍ ചിലവഴിച്ച് പാലം നിര്‍മിച്ചുവെന്നാണ് പരാതി.

ഡി വൈ എഫ് ഐ മൊഗ്രാല്‍ പുത്തൂര്‍ മേഖല കമ്മിറ്റിയാണ് മന്ത്രിക്കും വിജിലന്‍സ് ഡയറക്ടര്‍ക്കും ജില്ലാ കലക്ടര്‍ക്കും ഗ്രാമ പഞ്ചായത്ത് സെക്രട്ടറിക്കും പരാതി നല്‍കിയത്. സംഭവത്തില്‍ കര്‍ശന നടപടി സ്വീകരിക്കുകയും നിര്‍മാണം നിര്‍ത്തിവെക്കാന്‍ അടിയന്തിരമായി ഇടപെടണമെന്നും ഡി വൈ എഫ് ഐ മേഖല കമ്മിറ്റി സെക്രട്ടറി സിറാജുദ്ദീന്‍ ആവശ്യപ്പെട്ടു.