ബ്ലേഡ് - മാഫിയ സംഘങ്ങള്‍ കാസര്‍കോട് ജില്ലയില്‍ സജീവം: എന്‍.വൈ.എല്‍

കാസര്‍കോട്: ബ്ലേഡ് - മാഫിയാ സംഘങ്ങള്‍ സമൂഹത്തിന് ഭീഷണി സൃഷ്ടിച്ച് സജീവമായി കൊണ്ടിരിക്കുകയാണെന്ന് എന്‍.വൈ.എല്‍ ജില്ലാ നേതൃത്വം അഭിപ്രായപ്പെട്ടു. സാധാരണക്കാരായ കുടുംബങ്ങളുടെ ജീവിത സാഹചര്യം ചൂഷണം ചെയ്ത് അവരെ കടക്കെണിയിലാക്കി ആധാരങ്ങളടക്കമുള്ള രേഖകള്‍ കൈക്കലാക്കുകയും അവരെ തെരുവിലിറക്കുകയുമാണ് ചെയ്യുന്നത്.

ഇത്തരം സംഘങ്ങള്‍ ജില്ലയില്‍ ഭീഷണിയായ സാഹചര്യത്തില്‍ പോലീസ് ഉണര്‍ന്ന് പ്രവര്‍ത്തിക്കണമെന്ന് എന്‍.വൈ.എല്‍ ആവശ്യപ്പെട്ടു. ഇരകളുടെ ആവശ്യങ്ങളറിഞ്ഞ് ഏജന്റ് മുഖേന കൊള്ള പലിശയ്ക്ക് പണം നല്‍കി ബ്ലാങ്ക് ചെക്ക് ലീഫിലും മുദ്ര പേപ്പറികളിലും ഒന്നലിധികം ഒപ്പിട്ട് വാങ്ങുകയും പണം തിരിച്ചടക്കാന്‍ കാലതാമസം വരുത്തിയാല്‍ ഗുണ്ടകളെ വിട്ട് ഭീഷണിപ്പെടുത്തുകയും വീട്ടുപകരണങ്ങളും വാഹനങ്ങളും കണ്ട്‌കെട്ടുകയുമാണ് ചെയ്യുന്നത്.

കാസര്‍കോട്ട് ബ്ലേഡ് മാഫിയയുടെ ആളുകള്‍ ബസ് സ്റ്റാന്‍ഡുകള്‍ കേന്ദ്രീകരിച്ച് പ്രവര്‍ത്തിക്കുന്നുണ്ട്. പണം വാങ്ങുമ്പോള്‍ രേഖകളില്‍ ഒപ്പിട്ട് നല്‍കുന്നതിനാല്‍ ആരും പോലീസില്‍ പരാതിപ്പെടാന്‍ തയ്യാറാവുന്നില്ല. സാധാരണക്കാരന്റെ ജീവിതത്തിന് ഭീഷണിയാകുന്ന കാസര്‍കോട് നഗരത്തില്‍ പ്രവര്‍ത്തിക്കുന്ന ബ്ലേഡ് മാഫിയ സംഘങ്ങളെ നിയമത്തിന് മുമ്പില്‍ കൊണ്ടുവരാന്‍ രഹസ്യ അന്വേഷണം നടത്തുന്ന പോലീസ് ഉദ്യോഗസ്ഥരെ ചുമതലപ്പെടുത്തി പൊതുസമൂഹത്തിന്റെ  ആശങ്ക അകറ്റണമെന്ന് എന്‍.വൈ.എല്‍. ജില്ലാ പ്രസിഡണ്ട് റഹീം ബണ്ടിച്ചാല്‍, ജനറല്‍ സെക്രട്ടറി സിദ്ധീഖ് ചേരങ്കൈ എന്നിവര്‍ പ്രസ്താവനയില്‍ ആവശ്യപ്പെട്ടു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : NYL, Kasaragod, Criminal-gang, Kerala, Police, Family, Blade Mafia, Action, District Committee, Demand, Investigation,  Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.