ഡിവൈഎഫ്‌ഐ രക്തസാക്ഷി ബോര്‍ഡിന് കീഴെ 'കൂടോത്രം', തലയില്ലാത്ത കറുത്ത കോഴിയും മുട്ടയും ചോറും പുഷ്പങ്ങളൂം കണ്ടെത്തി

By Web Desk SUNov 24, 2018, 20:37 IST

കാഞ്ഞങ്ങാട്: (www.kasargodvartha.com 24/11/2018) ഡിവൈഎഫ്‌ഐ രക്തസാക്ഷി അനുസ്മരണ ബോര്‍ഡിന് കീഴെ 'കൂടോത്രം'. കാഞ്ഞങ്ങാട് റെയില്‍വേ സ്റ്റേഷനടുത്ത് കൊവ്വല്‍ ക്ലബിനു സമീപത്ത് ഡിവൈഎഫ്‌ഐ സ്ഥാപിച്ച കൂത്തുപറമ്പ് രക്തസാക്ഷി അനുസ്മരണ ബോര്‍ഡിന് കീഴിലാണ് തലയറുത്ത കറുത്ത കോഴിയും മുട്ടയും ചോറും പുഷ്പങ്ങളൂം ചേര്‍ന്നുള്ള 'കൂടോത്രം' നിക്ഷേപിച്ചത്.

സംഭവം ഡിവൈഎഫ്‌ഐ പ്രവര്‍ത്തകര്‍ക്കിടയില്‍ വന്‍ പ്രതിഷേധത്തിന് ഇടയാക്കിയിട്ടുണ്ട്. ഈ കൂടോത്രം ഡിവൈഎഫ്‌ഐ പ്രവര്‍ത്തകര്‍ക്കെതിരെയുള്ള മുന്നറിയിപ്പ് ഭീഷണിയാണെന്ന് അവര്‍ പറയുന്നു. ഇതിനു പിന്നില്‍ പ്രവര്‍ത്തിച്ചവരെ കണ്ടെത്തണമെന്നും ഡിവൈഎഫ്‌ഐ നേതൃത്വം ആവശ്യപ്പെടുന്നു.