ജോലിക്ക് മലയാളം നിര്‍ബന്ധമാക്കുന്നതിനെതിരെ ബി.ജെ.പിയുടെ പി.എസ്.സി. ഓഫീസ് ഉപവാസം 7 ന്

കാസര്‍കോട്: സര്‍ക്കാര്‍ ജോലിക്ക് മലയാളം നിര്‍ബന്ധമാക്കുന്നതില്‍ നിന്നും ഭാഷാ ന്യൂനപക്ഷങ്ങളെ ഒഴിവാക്കണമെന്നാവശ്യപ്പെട്ട് ബി.ജെ.പി. കാസര്‍കോട്, മഞ്ചേശ്വരം മണ്ഡലം കമ്മിറ്റിയുടെ ആഭിമുഖ്യത്തില്‍ പി.എസ്.സി. ഓഫീസിലേക്ക് നടക്കുന്ന മാര്‍ച്ചും ഉപവാസവും മെയ് ഏഴിന് നടക്കും.

സര്‍ക്കാറിന്റെയും പി.എസ്.സിയുടെയും തീരുമാനം ഭാഷാ ന്യൂനപക്ഷങ്ങളെ ആശങ്കയിലാഴ്ത്തിയിരിക്കുകയാണ്. ജനപ്രതിനിധികളും ഉപവാസത്തില്‍ പങ്കെടുക്കും. സര്‍ക്കാര്‍ ജോലിക്ക് മലയാളം ഭാഷ അറിയുന്നവര്‍ക്ക് 10 ശതമാനം മാര്‍ക്ക് നല്‍കുന്നതാണ് ഭാഷാ ന്യൂനപക്ഷങ്ങള്‍ക്ക് തിരിച്ചടിയായി മാറിയിരിക്കുന്നത്. ഭാഷാ ന്യൂനപക്ഷങ്ങള്‍ക്ക് ഭരണഘടന നല്‍കുന്ന മൗലീകാവകാശവും സ്വാതന്ത്ര്യവും ഇല്ലാതാക്കുന്നതാണ് സര്‍ക്കാറിന്റെയും പി.എസ്.സിയുടെയും തീരുമാനമെന്ന് ബി.ജെ.പി. ആരോപിക്കുന്നു.

10 വര്‍ഷത്തിനുള്ളില്‍ എല്ലാവരും മലയാളം പഠിക്കണമെന്ന സര്‍ക്കാറിന്റെ ഉത്തരവ് പുന:സ്ഥാപിക്കണമെന്നാണ് ബി.ജെ.പി. ആവശ്യപ്പെടുന്നത്. ഭാഷാ ന്യൂനപക്ഷങ്ങളുടെ ആശങ്ക പരിഹരിക്കുന്നതില്‍ ജില്ലയിലെ എം.എല്‍.എ. മാരും എം.പി.യും പരാജയപ്പെട്ടിരിക്കുകയാണെന്നും ബി.ജെ.പി. ജില്ലാ നേതൃത്വം ആരോപിച്ചു.

Keywords:  PSC, PSC office, March, Exame, BJP, Work, MLA, , Kasaragod, Kerala, Mark, , Kasaragod, Kerala, Kasaragod News, Malayalam news, Kerala News, International News, National News, Gulf News, Health News, Educational News, Business News, Stock news, Gold News.