പോലീസ് സ്റ്റേഷന് ഉപരോധിച്ച BJP നേതാക്കളെയും പ്രവര്ത്തകരെയും അറസ്റ്റ് ചെയ്ത് നീക്കി
Mar 2, 2012, 17:47 IST
ബേക്കല്: ആര്.എസ്.എസ് പ്രവര്ത്തകന് അരമങ്ങാനത്തെ ബാലാജിയെ(64) കട്ടക്കാലില് വര്ഗ്ഗീയ സംഘര്ഷം ഉണ്ടാക്കാന് ശ്രമിച്ചുവെന്ന് ആരോപിച്ച് അറസ്റ്റ് ചെയ്ത പോലീസ് നടപടിയില് പ്രതിഷേധിച്ച് ബേക്കല് പോലീസ് ഉപരോധിച്ച ബി.ജെ.പി ആര്.എസ്.എസ് നേതാക്കളെയും പ്രവര്ത്തകരെയും പോലീസ് അറസ്റ്റ് ചെയ്ത് നീക്കി.
ബി.ജെ.പി സംസ്ഥാന ജനറല് സെക്രട്ടറി കെ. സുരേന്ദ്രന്്, ദേശീയ സമിതി അംഗം മടിക്കൈ കമ്മാരന്, ബി.എം.എസ് ജില്ലാ പ്രസിഡന്റ് ബി.വി ബാലകൃഷ്ണന്, ആര്.എസ്.എസ് ജില്ലാ കാര്യവാഹക് ടി.വേലായുധന്, എന്.ജി.ഒ സംഘ് അഖിലേന്ത്യ സെക്രട്ടറി സി.എച്ച്. സുരേഷ്, ബി.ജെ.പി ജില്ലാ പ്രസിഡന്റ് കെ.സുരേഷ് കുമാര് ഷെട്ടി, ജനറല് സെക്രട്ടറി അഡ്വ. കെ. ശ്രീകാന്ത്, തുടങ്ങിയ നേതാക്കളേയും 60 ഓളം വരുന്ന പ്രവര്ത്തകരെയുമാണ് ഹൊസ്ദുര്ഗ് സി.ഐ കെ.വി വേണുഗോപാല്, എസ്.ഐ ഉത്തംദാസ് എന്നിവര് ചേര്ന്ന് അറസ്റ്റ് ചെയ്ത് നീക്കിയത്.
പോലീസ് സ്റ്റേഷനില് അതിക്രമിച്ച് കയറി മുദ്രാവാക്യം വിളിച്ചതിന് കെ. സുരേന്ദ്രന്, മടിക്കൈ കമ്മാരന്, കെ. സുരേഷ്കുമാര് ഷെട്ടി എന്നിവര്ക്കെതിരെ കേസ് റജിസ്റ്റര് ചെയ്തു. അതേ സമയം പോലീസ് സംഘര്ഷവുമായി ബന്ധപ്പെട്ട് അറസ്റ്റ് ചെയ്ത ഇടുവങ്കാലിലെ ഹര്ഷാദ്, ബാലാജി എന്നിവരെ ഹൊസ്ദുര്ഗ് കോടതിയില് ഹാജറാക്കി. ഇരുവരേയും കോടതി രണ്ടാഴ്ച്ചത്തേക്ക് റിമാന്റ് ചെയ്തു.
(Updated)
Keywords: Kasaragod, BJP, Police, RSS, Bekal, Kanhangad, Arrest, Kattackal.
