ക്ഷേത്ര ഉത്സവത്തിനിടെ സിപിഎം- ബിജെപി സംഘര്‍ഷം; കത്തിക്കുത്തില്‍ എട്ട് പേര്‍ക്ക് പരിക്ക്

വിദ്യാനഗര്‍: (www.kasargodvartha.com 24/01/2017) പാടി പുള്ളിക്കരിങ്കാളിയമ്മ ക്ഷേത്ര ഉത്സവത്തിനിടെ സിപിഎം- ബിജെപി പ്രവര്‍ത്തകര്‍ തമ്മിലുണ്ടായ വാക്കുതര്‍ക്കം കത്തിക്കുത്തിലും സംഘര്‍ഷത്തിലും കലാശിച്ചു. അക്രമത്തില്‍ ഇരുവിഭാഗങ്ങളിലുമായി എട്ട് പേര്‍ക്ക് പരിക്കേറ്റു. തിങ്കളാഴ്ച രാത്രി 12 മണിയോടെയാണ് സംഭവം. സിപിഎം പ്രവര്‍ത്തകരായ സജിത്ത്, വിശാല്‍, നിഷാദ്, ശ്രീജിത്ത്, സുരേഷ് ബാബു, രാഹുല്‍ രാജ് എന്നിവര്‍ക്കും ബിജെപി പ്രവര്‍ത്തകരായ ഗോപാല കൃഷ്ണന്‍, പ്രവീണ്‍ എന്നിവര്‍ക്കുമാണ് കത്തിക്കുത്തില്‍ പരിക്കേറ്റത്.

സിപിഎം പ്രവര്‍ത്തകരെ ചെങ്കള ഇ.കെ നായനാര്‍ ആശുപത്രിയിലും ബിജെപി പ്രവര്‍ത്തകരെ കാസര്‍കോട്ടെ സ്വകാര്യാശുപത്രിയിലും പ്രവേശിപ്പിച്ചു. അക്രമത്തെ തുടര്‍ന്ന് പാടിയില്‍ സംഘര്‍ഷം ഉടലെടുത്തു. വിവരമറിഞ്ഞ് വിദ്യാനഗര്‍ പോലീസ് സ്ഥലത്തെത്തി. പ്രദേശത്ത് പോലീസ് അതീവജാഗ്രത പാലിച്ചുവരികയാണ്. സംഭവം സംബന്ധിച്ച് പോലീസ് അന്വേഷണം ആരംഭിച്ചു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)