ബൈക്കിലെത്തിയ സംഘം വിദ്യാര്‍ത്ഥിയെ കത്തികാട്ടി കൊല്ലുമെന്ന് ഭീഷണിപ്പെടുത്തി
Jul 20, 2012, 11:03 IST
വ്യാഴാഴ്ച രാവിലെ സ്കൂളിലേക്ക് വരുമ്പോഴാണ് കറന്തക്കാട് വെച്ച് ബൈക്കിലെത്തിയ സംഘം യുവാവിനെ ഭീഷണിപ്പെടുത്തിയത്. സിനാന്റെ പരാതിയില്‍ കാസര്‍കോട് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. മുഖംമൂടി ധരിച്ചും നമ്പര്‍ പ്ലേറ്റില്ലാതെയും ബൈക്കിലെത്തുന്ന സംഘം അക്രമം നടത്തുകയും ഭീഷണിപ്പെടുത്തുകയും ചെയ്യുന്ന സംഭവം പതിവായതോടെ ചൂരി, മീപ്പുഗിരി, അടുക്കത്ത് ബയല്‍, മധൂര്‍ ഭാഗങ്ങളിലെ ജനങ്ങള്‍ ആശങ്കയിലായി.
കഴിഞ്ഞ ദിവസം ജോലി കഴിഞ്ഞ് മടങ്ങുകയായിരുന്ന അണങ്കൂരിലെ നാഗേഷിനെ(26) ജെ.പി കോളനി ഗ്രൗണ്ടില്‍വെച്ച് മുഖംമൂടി ധരിച്ചെത്തിയ രണ്ടംഗ സംഘം പലക കഷ്ണം കൊണ്ട് തല്ലിയൊടിക്കുകയും തലയ്ക്ക് ഗുരുതരമായി പരിക്കേല്‍പ്പിക്കുകയും ചെയ്തിരുന്നു.
മീപ്പുഗിരിയില്‍ വെച്ച് പ്ലസ് വണ്‍ വിദ്യാര്‍ത്ഥിയെ മുഖംമൂടി ധരിച്ചെത്തിയ രണ്ടംഗ സംഘം ബ്ലേഡ് കൊണ്ട് കീറി മുറിവേല്‍പ്പിക്കുകയും ചെയ്തിരുന്നു.
Keywords: Kasaragod, Student, Choori, Karandakkad, Sinan, Bike, Numberplate
Tags
Share this story
