ദേശീയപാത സര്‍ക്കിളില്‍ ബൈക്ക് റെയ്‌സ് നടത്തിയതിന് 50 പേര്‍ക്കെതിരെ പോലീസ് കേസെടുത്തു

കാസര്‍കോട്: (www.kasargodvartha.com 21.11.2018) കറന്തക്കാട് ദേശീയപാത സര്‍ക്കിളില്‍ ബൈക്ക് റെയ്‌സ് നടത്തിയതിന് 50 പേര്‍ക്കെതിരെ കാസര്‍കോട് ടൗണ്‍ പോലീസ് കേസെടുത്തു. ചൂരിയിലെ ജാബിര്‍ ഉള്‍പെടെ 50 പേര്‍ക്കെതിരെയാണ് പോലീസ് കേസെടുത്തത്. ചൊവ്വാഴ്ച വൈകിട്ട് അഞ്ചു മണിയോടെ റോഡ് തടസപ്പെടുത്തി ബൈക്ക് റെയ്‌സ് നടത്തുകയും സംഘര്‍ഷാവസ്ഥ സൃഷ്ടിക്കുകയും ചെയ്തുവെന്നാണ് കേസ്.

വാഹനങ്ങള്‍ക്ക് കല്ലെറിഞ്ഞ് കേടുപാട് വരുത്തിയതായും പരാതിയുയര്‍ന്നിട്ടുണ്ട്. സംഭവസ്ഥലത്തു നിന്നും മൂന്ന് ബൈക്കുകള്‍ കസ്റ്റഡിയിലെടുത്തതായി പോലീസ് പറഞ്ഞു. യുവാക്കളെത്തിയ കാറിന്റെ നമ്പറുകള്‍ ലഭിച്ചിട്ടുണ്ടെന്നും പോലീസ് പറഞ്ഞു.