കോടതിക്കും സ്‌കൂളിനും സമീപം ബിവറേജ് മദ്യശാല തുറക്കുന്നതിനെതിരെ പ്രതിഷേധം ശക്തം; സ്പീക്കര്‍ ഇടപെടാന്‍ കുട്ടികളുടെ നിവേദനം

അടുത്തമാസം ആദ്യം ബിവറേജ് മദ്യശാല പ്രവര്‍ത്തനം തടങ്ങാനാണ് ഉദ്ദേശിക്കുന്നത്. കോടതിക്കും സ്‌കൂളിനും പുറമെ പൊതുമരാമത്ത് ഓഫീസ്, ബ്ലോക്ക് പഞ്ചായത്ത് ഓഫീസ്, വൈദ്യുതി ഓഫീസ് എന്നീ സര്‍ക്കാര്‍ സ്ഥാപനങ്ങളും കേന്ദ്രീയ വിദ്യാലയവും ഈ ഭാഗത്തുണ്ട്. ഇവിടെ ബിവറേജ് മദ്യശാല വന്നാല്‍ മദ്യപാനികളുടെ ശല്യം മൂലം വിദ്യാര്‍ത്ഥികള്‍ അടക്കമുള്ളവര്‍ ദുരിതം അനുഭവിക്കും.


കോടതിയിലേക്കും മറ്റു സ്ഥാപനങ്ങളിലേക്കും വരുന്ന ആളുകള്‍ക്ക് പുറമെ മദ്യ ഉപഭോക്താക്കളുടെ വരവ് കൂടിയാകുമ്പോള്‍ ഇതുവഴിയുള്ള കാല്‍നടയാത്ര ബുദ്ധിമുട്ടുണ്ടാക്കും. പൊതുവെ ഈ ഭാഗത്തേക്ക് വരുന്ന സ്വകാര്യ വാഹനങ്ങള്‍ക്ക് പുറമെ മദ്യ ഉപഭോക്താക്കള്‍ സഞ്ചരിക്കുന്ന വാഹനങ്ങള്‍കൂടിയാകുമ്പോള്‍ ഗതാഗതകുരുക്കും ഉണ്ടാകും. ഇത്തരമൊരു സാഹചര്യത്തിലാണ് ബിവറേജ് മ്യശാലയ്‌ക്കെതിരെ വിദ്യാര്‍ത്ഥികള്‍ അടക്കമുള്ളവര്‍ രംഗത്തുവന്നിരിക്കുന്നത്.