മികച്ച എ ആര്‍ ടി സെന്ററിനുള്ള അവാര്‍ഡ് ഇത്തവണയും കാസര്‍കോട് ജനറല്‍ ആശുപത്രിക്ക്; പുരസ്‌കാരം ആരോഗ്യ മന്ത്രിയില്‍ നിന്നും ഏറ്റുവാങ്ങി, അവാര്‍ഡ് ലഭിക്കുന്നത് അഞ്ചാം തവണ

By Web Desk - MainJan 16, 2020, 20:16 IST

കാസര്‍കോട്: (www.kasargodvartha.com 16.01.2020) മികച്ച എ ആര്‍ ടി (ആന്റിറെട്രോ വൈറല്‍ ട്രീറ്റ്‌മെന്റ്) സെന്ററിനുള്ള അവാര്‍ഡ് ഇത്തവണയും കാസര്‍കോട് ജനറല്‍ ആശുപത്രിക്ക് ലഭിച്ചു. കണ്ണൂര്‍ ചേംബര്‍ ഓഫ് കോമേഴ്സ് ഹാളില്‍ വെച്ച് നടന്ന ചടങ്ങില്‍ വെച്ച് ആരോഗ്യ വകുപ്പ് മന്ത്രി കെ കെ ശൈലജ ടീച്ചറില്‍ നിന്നും ജനറല്‍ ആശുപത്രി സീനിയര്‍ മെഡിക്കല്‍ ഓഫീസര്‍ ഡോ. സി എച്ച് ജനാര്‍ദ്ധന നായിക്ക് ഏറ്റുവാങ്ങി. ഇത് അഞ്ചാം തവണയാണ് കാസര്‍കോട് ജനറല്‍ ആശുപത്രിക്ക് അവാര്‍ഡ് ലഭിക്കുന്നത്.

2010 ലാണ് എച്ച് ഐ വി രോഗികള്‍ക്ക് ചികിത്സ നല്‍കുന്ന എ ആര്‍ ടി സെന്റര്‍ ജനറല്‍ ആശുപത്രിയില്‍ പ്രവര്‍ത്തനമാരംഭിച്ചതെന്ന് ഡോ. ജനാര്‍ദ്ധന നായിക്ക് കാസര്‍കോട് വാര്‍ത്തയോട് പറഞ്ഞു. 2013 ല്‍ ആദ്യ അവാര്‍ഡ് ലഭിച്ചു. ഇതിനു ശേഷം 2014, 2015 വര്‍ഷങ്ങളിലും 2018 വര്‍ഷത്തിലും അവാര്‍ഡ് ലഭിച്ചു.