What was the primary threat posed by the unstable high-mast light at Bekal?

The 40-foot high-mast light, weakened by a month of heavy rain and coastal erosion, posed an immediate danger of collapsing. This threatened local residents and fishing boats parked along the coast.

ബേക്കലിൽ അപകടാവസ്ഥയിലായിരുന്ന ഹൈമാസ്റ്റ് ലൈറ്റ് ഉയർത്തിയ പ്രധാന ഭീഷണി എന്തായിരുന്നു?

ഒരു മാസത്തോളം നീണ്ട കനത്ത മഴയിലും കടൽക്ഷോഭത്തിലും ബലഹീനമായ 40 അടി ഉയരമുള്ള ഹൈമാസ്റ്റ് ലൈറ്റ് ഏതു നിമിഷവും നിലംപൊത്തുമെന്ന അവസ്ഥയിലായിരുന്നു. ഇത് പ്രദേശവാസികൾക്കും തീരത്ത് നിർത്തിയിട്ടിരുന്ന മത്സ്യബന്ധന വള്ളങ്ങൾക്കും ഭീഷണിയായി മാറി.

What initial steps were taken by the authorities before the dismantling operation began?

A week prior, the District Collector directed the Fire and Rescue Service to disconnect the electricity supply to the light with the help of KSEB, as a precautionary measure.

ലൈറ്റ് അഴിച്ചുമാറ്റുന്നതിന് മുമ്പ് അധികാരികൾ സ്വീകരിച്ച പ്രാഥമിക നടപടികൾ എന്തൊക്കെയായിരുന്നു?

ഒരാഴ്ച മുമ്പ് ജില്ലാ കളക്ടറുടെ നിർദ്ദേശപ്രകാരം അഗ്നിരക്ഷാ സേന കെ.എസ്.ഇ.ബിയുടെ സഹായത്തോടെ ഹൈമാസ്റ്റ് ലൈറ്റിലേക്കുള്ള വൈദ്യുതി ബന്ധം വിച്ഛേദിച്ചിരുന്നു.

Describe the multi-step process involved in safely dismantling the high-mast light.

The process involved first detaching the light assembly from the pole manually over four hours. Then, with a crane and ladder, personnel attached canvas belts, loosened the concrete base nuts, and finally used the crane to safely lower the iron pillar.

ഹൈമാസ്റ്റ് ലൈറ്റ് സുരക്ഷിതമായി അഴിച്ചുമാറ്റുന്നതിൽ ഉൾപ്പെട്ട വിവിധ ഘട്ടങ്ങളുള്ള പ്രക്രിയ വിശദീകരിക്കുക.

നാല് മണിക്കൂറിനുള്ളിൽ ലൈറ്റ് അസംബ്ലി തൂണിൽ നിന്ന് താഴെയിറക്കി. തുടർന്ന് ക്രെയിനിന്റെയും ലാഡറിന്റെയും സഹായത്തോടെ ബെൽറ്റുകൾ ഘടിപ്പിച്ച്, കോൺക്രീറ്റ് ബേസ്മെന്റിലെ നട്ടുകൾ അഴിച്ചുമാറ്റി, ക്രെയിൻ ഉപയോഗിച്ച് ഇരുമ്പ് പില്ലർ സുരക്ഷിതമായി താഴെയിറക്കി.

: What collaborative effort was involved in the successful completion of this rescue mission?

The mission was a collaborative effort involving the Kasaragod Fire and Rescue Service, led by R. Vinod Kumar and V.N. Venugopal, local residents, Udhuma Grama Panchayat (providing a crane), and civil defense members.

ഈ രക്ഷാദൗത്യം വിജയകരമായി പൂർത്തിയാക്കുന്നതിൽ എന്തെല്ലാം സഹകരണ ശ്രമങ്ങളാണ് നടന്നത്?

കാസർകോട് അഗ്നിരക്ഷാ സേന, ആർ. വിനോദ് കുമാർ, വി.എൻ. വേണുഗോപാൽ എന്നിവരുടെ നേതൃത്വത്തിൽ നാട്ടുകാർ, ഉദുമ ഗ്രാമപഞ്ചായത്ത് (ക്രെയിൻ നൽകി), സിവിൽ ഡിഫൻസ് അംഗങ്ങൾ എന്നിവരുടെ കൂട്ടായ പരിശ്രമമാണ് ദൗത്യം വിജയകരമാക്കിയത്.

കടൽകയറി അപകടാവസ്ഥയിലുള്ള ഹൈമാസ്റ്റ് ലൈറ്റ് അഗ്നിശമന സേന അഴിച്ചു നീക്കി

Whatsapp Group Whatsapp Channel

By Main DeskJul 16, 2025, 12:13 IST

Fire and Rescue Service dismantling high-mast light in Bekal

● ദൗത്യം പൂർത്തിയാക്കാൻ നാല് മണിക്കൂർ എടുത്തു.
● കെ.എസ്.ഇ.ബിയുടെ സഹായത്തോടെ വൈദ്യുതി ബന്ധം വിച്ഛേദിച്ചു.
● വാർഡ് മെമ്പർ അഗ്നിരക്ഷാ സേനയുടെ സഹായം തേടി.
● പഞ്ചായത്ത് ഏർപ്പെടുത്തിയ ക്രെയിനും സഹായത്തിനെത്തി.

കാസർകോട്: (KasargodVartha) ബേക്കൽ തൃക്കണ്ണാട് ക്ഷേത്രത്തിന് മുന്നിൽ കടൽത്തീരത്തോട് ചേർന്ന് സ്ഥാപിച്ചിരുന്ന 40 അടി ഉയരമുള്ള ഹൈമാസ്റ്റ് ലൈറ്റ്, ശക്തമായ കടൽക്ഷോഭത്തെ തുടർന്ന് അപകടാവസ്ഥയിലായതിനെത്തുടർന്ന് അഗ്നിരക്ഷാ സേന സുരക്ഷിതമായി അഴിച്ചുമാറ്റി.

ഒരു മാസത്തോളമായി തുടരുന്ന കനത്ത മഴയിലും കടൽക്ഷോഭത്തിലും ലൈറ്റ് ഏതു നിമിഷവും നിലംപൊത്തി പ്രദേശവാസികൾക്കും തീരത്ത് നിർത്തിയിട്ടിരുന്ന മത്സ്യബന്ധന വള്ളങ്ങൾക്കും ഭീഷണിയായി മാറിയിരുന്നു.

കഴിഞ്ഞ ആഴ്ച ജില്ലാ കളക്ടറുടെ നിർദ്ദേശപ്രകാരം അഗ്നിരക്ഷാ സേന സ്ഥലത്തെത്തി കെ.എസ്.ഇ.ബിയുടെ സഹായത്തോടെ ഹൈമാസ്റ്റ് ലൈറ്റിലേക്കുള്ള വൈദ്യുതി ബന്ധം വിച്ഛേദിച്ചിരുന്നു. ചൊവ്വാഴ്ച ശക്തമായ മഴയിൽ കടൽക്ഷോഭം രൂക്ഷമാകുകയും കൂടുതൽ കടൽഭിത്തി ഇടിയാൻ സാധ്യതയുമുണ്ടായ സാഹചര്യത്തിൽ വാർഡ് മെമ്പർ അഗ്നിരക്ഷാ സേനയുടെ സഹായം തേടുകയായിരുന്നു.

ചൊവ്വാഴ്ച ഉച്ചയ്ക്ക് 2:30 ഓടെ കാസർകോട് അഗ്നിരക്ഷാ സേന അസിസ്റ്റന്റ് സ്റ്റേഷൻ ഓഫീസർ ആർ. വിനോദ് കുമാറിന്റെയും സീനിയർ ഫയർ ആൻഡ് റെസ്ക്യൂ ഓഫീസർ വി.എൻ. വേണുഗോപാലിന്റെയും നേതൃത്വത്തിൽ നാട്ടുകാരുടെ സഹായത്തോടെ ഹൈമാസ്റ്റ് ലൈറ്റിന്റെ തൂണിൽ നിന്ന് ലൈറ്റ് അസംബ്ലി നാല് മണിക്കൂറോളം പരിശ്രമിച്ച് താഴെയിറക്കി.

തുടർന്ന് പഞ്ചായത്ത് ഏർപ്പെടുത്തിയ ക്രെയിനിന്റെ സഹായത്തോടെയും സേനയുടെ ലാഡർ ഉപയോഗിച്ചും സേനാംഗങ്ങൾ മുകളിൽ കയറി ക്രെയിനിന്റെ കാൻവാസ് ബെൽറ്റ് ഘടിപ്പിച്ചു. അതിനുശേഷം കോൺക്രീറ്റ് ബേസ്മെന്റിൽ ഉറപ്പിച്ചിരുന്ന നട്ടുകൾ അഴിച്ചുമാറ്റി ക്രെയിനിന്റെ സഹായത്താൽ ഇരുമ്പ് പില്ലർ സുരക്ഷിതമായി താഴെയിറക്കുകയായിരുന്നു.

ഉദുമ ഗ്രാമപഞ്ചായത്ത് പ്രസിഡന്റ് പി. ലക്ഷ്മി, സെക്രട്ടറി ജോബിൻ, വാർഡ് മെമ്പർമാരായ കെ. വിനയകുമാർ, ജലീൽ കാപ്പിൽ, ഷൈനി മോൾ എന്നിവരും സേനാംഗങ്ങളായ പി.സി. മുഹമ്മദ് സിറാജുദ്ദീൻ, കെ.വി. ജിതിൻ കൃഷ്ണൻ, സി.വി. ഷബിൽ കുമാർ, ഹോം ഗാർഡ് വി.ജി. വിജിത് നാഥ് എന്നിവരും ഈ ദൗത്യത്തിൽ പങ്കെടുത്തു.

അഗ്നിരക്ഷാസേനയുടെ ഈ സമയോചിത ഇടപെടലിനെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Fire service dismantles dangerous high-mast light at Bekal coast.

#Kasaragod #Bekal #FireAndRescue #CoastalErosion #HighMastLight #SafetyFirst