മാഹിന്‍ ഹാജി സേട്ട് സാഹിബിനെ തീവ്രവാദിയാക്കിയത് സംഘ്പരിവാറിന്റെ കയ്യടി നേടാന്‍: അസീസ് കടപ്പുറം

കാസര്‍കോട്: (www.kasargodvartha.com 28.08.2017) ഇബ്രാഹിം സുലൈമാന്‍ സേട്ടു സാഹിബിനെ തീവ്രവാദിയെന്നു മുസ്ലിം ലീഗ് നേതാവ് മാഹിന്‍ ഹാജി വിശേഷിപ്പിച്ചത് സംഘ്പരിവാറിന്റെ കയ്യടി നേടാനാണെന്ന് ഐ എന്‍ എല്‍ ജില്ലാ ജനറല്‍ സെക്രട്ടറി അസീസ് കടപ്പുറം കുറ്റപ്പെടുത്തി. ജനം ടി വിയിലെ ചാനല്‍ ചര്‍ച്ചയ്ക്കിടെ നടത്തിയ പരാമര്‍ശം പിന്‍വലിച്ചുകൊണ്ട് മാഹിന്‍ ഹാജി മാപ്പ് പറയണമെന്ന് അദ്ദേഹം ആവശ്യപ്പെട്ടു.


ലീഗും മാഹിന്‍ ഹാജിയും തീക്കൊള്ളികൊണ്ട് തല ചൊറിയുകയാണ്. മാറാട് കേസിലെ ഗൂഢാലോചനയില്‍ പ്രതിയായ മാഹിന്‍ ഹാജി കേസില്‍ നിന്ന് രക്ഷപ്പെടാന്‍ നടത്തിയ തരം താഴ്ന്ന രാഷ്ട്രീയമാണ് വെളിവാകുന്നത്. മതനിരപേക്ഷ മൂല്യങ്ങള്‍ ഉയര്‍ത്തിപ്പിടിച്ച് സേട്ടു സാഹിബ് രൂപം നല്‍കിയ ഐ എന്‍ എല്ലിനും സേട്ടു സാഹിബ് സ്വീകരിച്ച രാഷ്ട്രീയ നിലപാടിനും നാള്‍ക്കുനാള്‍ സമൂഹത്തിനിടയില്‍ നിന്ന് കിട്ടികൊണ്ടിരിക്കുന്ന അംഗീകാരത്തിനെ വഴിതിരിച്ചുവിടാന്‍ മുസ്ലിം ലീഗ് നടത്തുന്ന ഗൂഢാലോചനയുടെ ഒടുവിലത്തെ ഉദാഹരണമാണ് മാഹിന്‍ ഹാജിയുടെ പ്രസ്താവനയെന്നും അസീസ് കടപ്പുറം അഭിപ്രായപ്പെട്ടു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords : Kasaragod, INL, Leader, Muslim-league, Azeez Kadappuram, Mahin Haji, Seht Sahib.