അയ്യൂബ് ഖാന്‍ സഅദിയുടെ വിയോഗം കനത്ത നഷ്ടം: നൂറുല്‍ ഉലമാ എം.എ. ഉസ്താദ്

By Desk DeltaJul 20, 2013, 09:09 IST

ദേളി: സഅദിയ്യയെ ആത്മാര്‍ത്ഥമായി സ്‌നേഹിക്കുകയും ജീവിതം മുഴുവന്‍ സ്ഥാപനത്തിനും സുന്നീ സമൂഹത്തിന്റെ ഉന്നമനത്തിനുമായി വിനിയോഗിച്ച യുവ പണ്ഡിതനെയാണ് അയ്യൂബ്ഖാന്‍ സഅദിയുടെ മരണത്തിലൂടെ നഷ്ടമായതെന്ന് സഅദിയ്യ ജനറല്‍ മാനേജര്‍ നൂറുല്‍ ഉലമ എം.എ. അബ്ദുല്‍ ഖാദിര്‍ മുസ്‌ലിയാര്‍ അഭിപ്രായപ്പെട്ടു.

അയ്യൂബ് ഖാന്‍ സഅദിയുടെ വിയോഗം കനത്ത നഷ്ടം: നൂറുല്‍ ഉലമാ എം.എ. ഉസ്താദ്

അയ്യൂബ് ഖാന്‍ സഅദിയുടെ വിയോഗം സഅദിയ്യക്കു മാത്രമല്ല, സമൂഹത്തിന്റെ മൊത്തം നഷ്ടമാണ്. നാമം കൊണ്ട് കൊല്ലക്കാരനാണെങ്കിലും സഅദിയ്യ ആസ്ഥാനമാക്കി കാസര്‍കോട് ജില്ലയിലും കര്‍ണാടകയിലും സുന്നത്ത് ജമാഅത്തിന്റെ പ്രവര്‍ത്തനങ്ങളില്‍ സജീവമായി ഇടപെടുകയും ആത്മാര്‍ത്ഥ പ്രവര്‍ത്തനം നടത്തുകയും ചെയ്ത യുവ പണ്ഡിതനാണ് സഅദി. അദ്ദേഹത്തിന്റെ നിര്യാണം സഅദിയയ്ക്കും സുന്നത്ത് ജമാഅത്തിന്റെ പ്രവര്‍ത്തനങ്ങള്‍ക്കും തീരാനഷ്ടമാണ് വരുത്തിയത്.

അയ്യൂബ് ഖാന്‍ സഅദിയുടെ കുടുംബത്തിന്റെ ദുഃഖത്തില്‍ പങ്ക് ചേരുന്നു. ദീനീ പ്രചരണത്തിനായി സഅദിയ്യക്ക് വേണ്ടി സേവനത്തിലേര്‍പെട്ട് കൊണ്ടുള്ള യാത്രക്കിടയിലായിരുന്നു അയ്യൂബ് ഖാന്‍ സഅദിയുടെ മരണം എന്നത് പ്രത്യേകം സ്മരണീയമാണ്. അല്ലാഹു തക്ക പ്രതിഫലം നല്‍കി പരലോക ജീവിതം സന്തോഷ പൂര്‍ണമാക്കിത്തരട്ടെയെന്ന് പ്രാര്‍ത്ഥിക്കുന്നു. വിശുദ്ധ റമളാനിന്റെ പുണ്യ നേരങ്ങളില്‍ പ്രിയ പ്രവര്‍ത്തകനായി പ്രാര്‍ത്ഥിക്കാന്‍ എല്ലാവരോടും എം.എ. ഉസ്താദ് ആഹ്വാനം ചെയ്തു.

Related News:
അയ്യൂബ് ഖാന്‍ സഅദി വാഹനാപകടത്തില്‍ മരിച്ചു

അയ്യൂബ് ഖാന്‍ സഅദിക്ക് സഅദിയ്യയില്‍ ആയിരങ്ങളുടെ അന്ത്യോപചാരം