അയ്യൂബ്ഖാന്‍ സഅദി അനുസ്മരണവും പ്രാര്‍ത്ഥനാ സംഗമവും 18 ന്

ചെമ്മനാട്: (www.kasargodvartha.com 13.07.2014) പ്രമുഖ പണ്ഡിതനും പ്രഭാഷകനുമായിരുന്ന അയ്യൂബ്ഖാന്‍ സഅദി മരണപ്പെട്ട ഒന്നാം ആണ്ടിനോടനുബന്ധിച്ച് ജൂലൈ 18ന് പ്രത്യേക അനുസ്മരണവും പ്രാര്‍ത്ഥനാ സംഗമവും സംഘടിപ്പിക്കാന്‍ എസ്.വൈ.എസ് ജില്ലാ പ്രസിഡണ്ട് പള്ളങ്കോട് അബ്ദുല്‍ ഖാദിര്‍ മദനിയുടെ അദ്ധ്യക്ഷതയില്‍ ചേര്‍ന്ന ചെമ്മനാട് സുന്നീസെന്റര്‍ മസ്ജിദ് കമ്മിറ്റി യോഗം തീരുമാനിച്ചു. സയ്യിദ് ജലാലുദ്ദീന്‍ സഖാഫി ഉദ്ഘാടനം ചെയ്തു.

വെള്ളിയാഴ്ച ജുമുഅ നിസ്‌ക്കാരാനന്തരം ചെമ്മനാട് ബദര്‍ മസ്ജിദില്‍ നടക്കുന്ന പരിപാടിക്ക് സയ്യിദ് അബ്ദുര്‍ റഹ് മാന്‍ ഇമ്പിച്ചിക്കോയ തങ്ങള്‍ ബായാര്‍ നേതൃത്വം നല്‍കും. പരിപാടിയുടെ വിജയത്തിന് അബ്ദുര്‍ റഹ് മാന്‍ തോട്ടം കണ്‍വീനറായി 101 അംഗ സ്വാഗതസംഘം രൂപീകരിച്ചു. ഹനീഫ് ചെമ്മനാട്, സുബൈര്‍ എയ്യളം, ശമീര്‍, ഖലീല്‍ റഹ് മാന്‍, ഹസൈനാര്‍ എം, ഇബ്രാഹിം എന്നിവര്‍ സംബന്ധിച്ചു. അബ്ദുല്ല മൗലവി സ്വാഗതം പറഞ്ഞു.