റൂബെല്ലാ രോഗ പ്രതിരോധം: വ്യാപക ബോധവല്‍ക്കരണം നടത്തും

കാസര്‍കോട്: ജില്ലയിലെ സര്‍ക്കാര്‍, എയ്ഡഡ് സ്‌സൂളുകളിലെ ഒമ്പത് മുതല്‍ 12 ക്ലാസ് വരെയുളള വിദ്യാര്‍ത്ഥിനികള്‍ക്ക് റൂബെല്ലാ  രോഗ പ്രതിരോധ കുത്തിവെയ്പിന് മുന്നോടിയായി ബോധവല്‍ക്കരണ പരിപാടികള്‍ നടത്താന്‍ കലക്ടറേറ്റില്‍ ചേര്‍ന്ന ജില്ലാതല  ടാസ്‌ക് ഫോഴ്‌സ് യോഗം തീരുമാനിച്ചു.

ഫെബ്രുവരി ഒന്നു മുതല്‍ 15വരെയാണ് പ്രതിരോധ കുത്തിവെയ്പ്. ആരോഗ്യം, വിദ്യാഭ്യാസ്യം,  സാമൂഹ്യനീതി എന്നീ വകുപ്പുകളുടെ സംയുക്താഭിമുഖ്യത്തിലാണ് പരിപാടി സംഘടിപ്പിക്കുന്നത്. ജനുവരി 22 ന് കാഞ്ഞങ്ങാട്ടും കാസര്‍കോട്ടും ചേരുന്ന  ഹൈസ്‌കൂള്‍ ഹെഡ്മാസ്റ്റര്‍മാരുടെ യോഗത്തില്‍ ജില്ലാ മെഡിക്കല്‍ ഓഫീസര്‍ റൂബെല്ലാ രോഗ പ്രതിരോധ ബോധവല്‍ക്കരണ പരിപാടിയെക്കുറിച്ച് വിശദീകരിക്കും. ഹയര്‍സെക്കണ്ടറി വകുപ്പ് മേഖലാതലത്തില്‍ ഇത് സംബന്ധിച്ച്  നിര്‍ദേശം നല്‍കും.

റൂബെല്ലാ  രോഗ പ്രതിരോധ കുത്തിവെപ്പ് സംബന്ധിച്ച് കലക്ടറേറ്റില്‍ ചേര്‍ന്ന ജില്ലാതല ടാസ്‌ക് ഫോഴ്‌സ് യോഗം

ജനുവരി 30 നകം മുഴുവന്‍ ഹൈസ്‌കൂളുകളിലും ഹയര്‍സെക്കണ്ടറി സ്‌കൂളുകളിലും പി.ടി.എ, മദര്‍ പി.ടി.എ യോഗങ്ങള്‍ വിളിച്ചു ചേര്‍ക്കാന്‍ ടാസ്‌ക് ഫോഴ്‌സ്  യോഗം അഭ്യര്‍ത്ഥിച്ചു.  പി.ടി.എ യോഗത്തില്‍ ബന്ധപ്പെട്ട തദ്ദേശഭരണ സ്ഥാപനങ്ങളുടെ ജനപ്രതിനിധികളെ പങ്കെടുപ്പിക്കും. യോഗത്തില്‍ ആരോഗ്യ വകുപ്പ് ഉദ്യോഗസ്ഥര്‍ ബോധവല്‍ക്കരണ ക്ലാസെടുക്കും. ആരോഗ്യ പ്രവര്‍ത്തകര്‍, മാധ്യമപ്രവര്‍ത്തകര്‍ തുടങ്ങിയവര്‍ക്ക് ബോധവല്‍ക്കരണ പരിശീലന പരിപാടികള്‍ സംഘടിപ്പിക്കാനും യോഗം തീരുമാനിച്ചു.

വൈറസ് മൂലമുണ്ടാകുന്ന  ചൂടുപനിയാണ്  റൂബെല്ലാ അഥവാ മൂന്നാംപനി. മൂന്നു മുതല്‍ 10 വയസ് വരെയുളളവരെയാണ് രോഗം കൂടുതലായി ബാധിക്കുന്നത്. ഗര്‍ഭകാലത്ത്  അമ്മയിലുണ്ടാകുന്ന റൂബെല്ലാ രോഗബാധ നവജാത ശിശുക്കളില്‍ തിമിരം, ഹൃദ്രോഗം, ബധിരത എന്നിവയ്ക്ക് കാരണമാകും. എല്ലാ പെണ്‍കുട്ടികള്‍ക്കും ഹൈസ്‌കൂള്‍തലത്തില്‍ വാക്‌സിന്‍ നല്‍കിയാല്‍ ഈ  ഗുരുതരാവസ്ഥയില്‍ നിന്ന് ശിശുക്കളെ  രക്ഷിക്കാന്‍ കഴിയുമെന്ന് ഡി.എം.ഒ ഡോ. പി. ഗോപിനാഥ് പറഞ്ഞു.

വളരെ കാലമായി സ്വകാര്യ ആശുപത്രികള്‍ വഴി എം.എം.ആര്‍ വാക്‌സിനും റൂബെല്ലാ വാക്‌സിനും  നല്‍കി വരുന്നുണ്ട്. ഇതുവരെ ദൂഷ്യഫലങ്ങളൊന്നും റിപോര്‍ട്ട് ചെയ്തിട്ടില്ലെന്നും  ഡി.എം.ഒ അറിയിച്ചു.

കലക്ടറുടെ ചേമ്പറില്‍ നടന്ന യോഗത്തില്‍ ഡെപ്യൂട്ടി കലക്ടര്‍ എന്‍ ദേവിദാസ് അധ്യക്ഷത വഹിച്ചു. ഡെപ്യൂട്ടി ഡി.എം.ഒ എം.സി വിമല്‍രാജ്, മുനിസിപ്പാലിറ്റി ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍  ഇ. അബ്ദുര്‍ റഹ്മാന്‍കുഞ്ഞി മാസ്റ്റര്‍,  ജില്ലാ ആര്‍. സി.എച്ച് ഓഫീസര്‍ ഡോ. എ. മുരളീധര നല്ലൂരായ, ഇന്ത്യന്‍ റെഡ്‌ക്രോസ് സൊസൈറ്റി ജില്ലാ ചെയര്‍മാന്‍ ഇ. ചന്ദ്രശേഖരന്‍ നായര്‍, ജില്ലാ മാസ് മീഡിയ ഓഫീസര്‍ എം. രാമചന്ദ്ര, കാസര്‍കോട് ഡി.ഇ.ഒ സത്യനാരായണ ഭട്ട്, ഹയര്‍ സെക്കന്‍ഡറി വിഭാഗം അസിസ്റ്റന്റ് കോര്‍ഡിനേറ്റര്‍ പി. ശശിധരന്‍, ഭാരത് സ്‌കൗട്ട്‌സ് ആന്റ് ഗൈഡ്‌സ്  ജില്ലാ സെക്രട്ടറി എം. ഗുരുമൂര്‍ത്തി, ഐ.സി.ഡി.എസ് ജില്ലാ പ്രോഗ്രാം  ഓഫീസര്‍ എ. നാരായണന്‍, എസ്.എസ്.എ ജില്ലാ പ്രോജക്ട് ഓഫീസര്‍ എച്ച്.എസ് വിജയലക്ഷ്മി, ചെങ്കള ഗവണ്‍മെന്റ് ആയുര്‍വേദ ഡിസ്‌പെന്‍സറി മെഡിക്കല്‍ ഓഫീസര്‍ ഡോ. കെ. ജയശ്രീ,  ജില്ലാ പട്ടികജാതി വികസന അസിസ്റ്റന്റ് ഓഫീസര്‍ മണി കുളമുക്കില്‍, എം.സി.എച്ച് ഓഫീസര്‍ പി.ടി സെലീന,  ജില്ലാ നേഴ്‌സിംഗ് ഓഫീസര്‍ മറിയക്കുട്ടി,  ജൂനിയര്‍ അഡ്മിനിസ്‌ട്രേറ്റീവ് മെഡിക്കല്‍ ഓഫീസര്‍ ഡോ. ഗീതാഗുരുദാസ് എന്നിവര്‍ യോഗത്തില്‍ സംബന്ധിച്ചു.

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords : Kasaragod, Kerala, School, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News Malayalam, Today news paper, Today cricket news, Malayalam hot news, Malayalam Kathakal, Live Malayalam News, News Kerala, Malayalam gulf news.