ഓട്ടോറിക്ഷ ഉപേക്ഷിച്ച നിലയില്‍; മോഷ്ടിച്ചതാണെന്ന് സംശയം

By Webdesk ViMay 2, 2017, 11:05 IST

നീലേശ്വരം: (www.kasargodvartha.com 02/05/2017) ചായ്യോം ബസാറിനടുത്ത് ഓട്ടോറിക്ഷ ഉപേക്ഷിക്കപ്പെട്ട നിലയില്‍ കണ്ടെത്തിയതുമായി ബന്ധപ്പെട്ട് പോലീസ് അന്വേഷണം തുടങ്ങി. കഴിഞ്ഞ ദിവസമാണ് ചായ്യോം ബസാറിനടുത്ത സര്‍ക്കാര്‍ സ്ഥലത്ത് കെ എല്‍ 60 എ 9180 നമ്പര്‍ ഓട്ടോ റിക്ഷ ഉപേക്ഷിച്ചതായി കണ്ടെത്തിയത്.

നാട്ടുകാര്‍ നല്‍കിയ വിവരത്തെ തുടര്‍ന്ന് പോലീസെത്തി കസ്റ്റഡിയിലെടുത്തുവെങ്കിലും അവകാശികളാരും എത്തിയിട്ടില്ല. ഓട്ടോയുടെ നമ്പര്‍ പ്ലേറ്റ് മാറ്റിയതായും ഇത് മോഷ്ടിച്ചതാകാമെന്നുമാണ് പോലീസ് നിഗമനം.