അപകടത്തില്‍ പരിക്കേറ്റവരെ കണ്ട് മടങ്ങുകയായിരുന്നവര്‍ സഞ്ചരിച്ച ഓട്ടോറിക്ഷ ഡിവൈഡിറിലിടിച്ച ശേഷം ലോറിയുമായി കൂട്ടിയിടിച്ചു; നാലുപേര്‍ക്ക് പരിക്ക്

പടന്നക്കാട്: (www.kasargodvartha.com 08.11.2018) ഡിവൈഡറില്‍ ഇടിച്ച ഓട്ടോറിക്ഷ ലോറിയുമായി കൂട്ടിയിടിച്ച് ഡ്രൈവര്‍ ഉള്‍പ്പെടെ നാലുപേര്‍ക്ക് പരിക്കേറ്റു. നീലേശ്വരത്തെ ഓട്ടോറിക്ഷ ഡ്രൈവര്‍ കെ സുകുമാരന്‍ (50), യാത്രക്കാരായ പുങ്ങംചാലിലെ കുഞ്ഞമ്പുവിന്റെ ഭാര്യ ബാലാമണി (62), സുമേഷിന്റെ ഭാര്യ ശാലിനി (33), പവിത്രന്റെ ഭാര്യ സ്മിത (35) എന്നിവര്‍ക്കാണ് പരിക്കേറ്റത്.

ബുധനാഴ്ച രാത്രി കാഞ്ഞങ്ങാട് സിറ്റി നഴ്സിംഗ് ഹോമില്‍ അപകടത്തില്‍ പരിക്കേറ്റ് കിടക്കുന്നവരെ സന്ദര്‍ശിച്ച ശേഷം നാട്ടിലേക്ക് മടങ്ങുമ്പോള്‍ പടന്നക്കാട് റെയില്‍വേ മേല്‍പ്പാലത്തില്‍ വെച്ചാണ് സുകുമാരന്‍ ഓടിച്ച കെ എല്‍ 60 എ 2798 നമ്പര്‍ ഓട്ടോറിക്ഷ ഡിവൈഡറില്‍ ഇടിച്ച ശേഷം എതിരെ വരികയായിരുന്ന ലോറിയില്‍ ഇടിക്കുകയായിരുന്നു.