വീട്ടമ്മയെ വീട്ടില്‍ കയറി ബലാല്‍സംഘം ചെയ്യാന്‍ ശ്രമിച്ച പ്രതിയെ അറസ്റ്റുചെയ്തു

By Desk DeltaJul 5, 2014, 12:15 IST

മഞ്ചേശ്വരം: (www.kasargodvartha.com 05.07.2014) ഭര്‍ത്താവില്ലാത്ത സമയത്ത് വീട്ടില്‍ കയറി വീട്ടമ്മയെ ബലാല്‍സംഘം ചെയ്യാന്‍ ശ്രമിച്ച യുവാവിനെ പോലീസ് അറസ്റ്റുചെയ്തു. മീഞ്ച കോളിയൂരിലെ അബ്ദുര്‍ റഹ്മാനെയാണ് (35) മഞ്ചേശ്വരം പോലീസ് അറസ്റ്റ് ചെയ്തത്.

മഞ്ചേശ്വരം ഗോവിന്ദ പൈ ഗവ. കോളജിന് സമീപത്തെ വീട്ടമ്മയെയാണ് പീഡിപ്പിക്കാന്‍ ശ്രമിച്ചത്. വീട്ടില്‍ ചായ കുടിച്ചുകൊണ്ടിരിക്കുമ്പോള്‍ വീട്ടില്‍ അതിക്രമിച്ചു കടന്നുവന്ന അബ്ദുര്‍ റഹ്മനാന്‍ തന്നെ പീഡിപ്പിക്കാന്‍ ശ്രമിക്കുകയായിരുന്നുവെന്നാണ് വീട്ടമ്മ മഞ്ചേശ്വരം പോലീസില്‍ നല്‍കിയ പരാതിയില്‍ പറയുന്നത്. പോലീസ് പിന്നീട് അബ്ദുര്‍ റഹ്മാനെ അറസ്റ്റുചെയ്യുകയായിരുന്നു. പ്രതിയെ രണ്ടാഴ്ച്ചത്തേക്ക് കോടതി റിമാന്‍ഡ് ചെയതു.