മദ്യപാനത്തെ എതിര്‍ത്ത യുവതിയെ ഭര്‍ത്താവും പിതാവും കഴുത്തു മുറുക്കിക്കൊല്ലാന്‍ ശ്രമിച്ചു

By Desk DeltaJun 20, 2014, 12:22 IST

കാസര്‍കോട്: (www.kasargodvartha.com 20.06.2014) ഭര്‍ത്താവും ഭര്‍തൃ പിതാവും മദ്യപിച്ച് വീട്ടിലെത്തുന്നതിനെ എതിര്‍ത്തതിനു യുവതിയെ കഴുത്തില്‍ മുണ്ടിട്ടു മുറുക്കി കൊല്ലാന്‍ ശ്രമിച്ചതായി പരാതി. മധൂര്‍ ചേനക്കോട്ടെ കുഞ്ഞിക്കണ്ണന്റെ മകള്‍ കെ. ബിന്ദു(29)വിനെയാണ് നീലേശ്വരം ബിരിക്കുളത്തെ ഭര്‍തൃവീട്ടില്‍ വെച്ച് വധിക്കാന്‍ ശ്രമിച്ചത്.

കഴിഞ്ഞ ദിവസമാണ് സംഭവം. പരിക്കേറ്റ ബിന്ദുവിനെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചു. ബിന്ദുവിന് രണ്ടു മക്കളുണ്ട്. ഭര്‍ത്താവും പിതാവും മദ്യപിച്ച് വീട്ടിലെത്തി വഴക്കു കൂടുന്നത് പതിവാണത്രേ. ഇതിനെ എതിര്‍ത്തപ്പോഴാണ് ഇരുവരും ചേര്‍ന്ന് തന്നെ കൊല്ലാന്‍ ശ്രമിച്ചതെന്ന് ബിന്ദു പറയുന്നു.