മഞ്ചേശ്വരത്ത് വീട്ടുകാരെ കത്തിമുനയില്‍ നിര്‍ത്തി വീട് കൊള്ളയ്ക്ക് ശ്രമം
Aug 8, 2012, 17:25 IST
കോണിപ്പടിയിറങ്ങി പോകുമ്പോള്‍ അബൂബക്കറിന്റെ ഭാര്യ റസിയയുടെ ദേഹത്ത് ചവിട്ടിയിനെതുടര്‍ന്ന് റസിയ ഉണരുകയും ബഹളംവെക്കുകയും ചെയ്തപ്പോള്‍ ഇവരുടെ വായപൊത്തിപ്പിടിച്ച് കത്തി കാട്ടി ഭീഷണിപ്പെടുത്തുകയായിരുന്നു. ഇതിനിടയില്‍ ശബ്ദംകേട്ട് അബൂബക്കറും പിന്നീട് ഇവരുടെ മതാപിതാക്കളായ മൊയ്തൂവും ആയിശയും ഉണരുകയും ചെയ്തു.
എല്ലാവരെയും കത്തി, വടി, സൈക്കിള്‍ ചെയിന്‍ തുടങ്ങിയ ആയുധങ്ങള്‍ കാട്ടി ഭീഷണിപ്പെടുത്തി അലമാരയുടെയും മറ്റും താക്കോല്‍ വാങ്ങുകയും അലമാരകളില്‍ നിന്ന് മുഴുവന്‍ സാധനങ്ങളും വാരിവലിച്ച് പുറത്തിടുകയും ചെയ്തു. എന്നാല്‍ ഇവര്‍ക്ക് കാര്യമായ സ്വര്‍ണ്ണമോ പണമോ ലഭിച്ചില്ല. ഇതിനിടയില്‍ ആയിശ ബഹളംവെച്ചപ്പോള്‍ ഇവരുടെ വായയ്ക്ക് പ്ലാസ്റ്റര്‍ ഒട്ടിക്കുകയും ചെയ്തു. ഒന്നും കണ്ടെത്താന്‍ കഴിയാത്തതിനെ തുടര്‍ന്ന് മടങ്ങിപ്പോവുകയായിരുന്ന സംഘം റസിയയുടെ കഴുത്തിലുണ്ടായരുന്ന രണ്ട് പവന്‍ സ്വര്‍ണ്ണമായ പൊട്ടിച്ചെടുക്കുകയായിരുന്നു. സംഘത്തിലുണ്ടായിരുന്നവര്‍ ഹിന്ദി, കന്നഡ, മലയാളം ഭാഷകളിലാണ് സംസാരിച്ചിരുന്നതെന്ന് വീട്ടുകാര്‍ പറഞ്ഞു.
വിവരമറിഞ്ഞ് പുലര്‍ച്ചെതന്നെ മഞ്ചേശ്വരം പോലീസ് സ്ഥലത്തെത്തി അന്വേഷണം ആരംഭിച്ചു. വന്‍മോഷണസംഘമാണ് ഇതിന് പിന്നിലെന്ന് വ്യക്തമയിട്ടുണ്ട്. അടുത്തിടെ നടന്ന പല കവര്‍ച്ചകള്‍ക്കും പിന്നില്‍ പ്രവര്‍ത്തിച്ചത് ഇതേ സംഘമാണെന്നാണ് സൂചന.
Keywords: Manjeshwaram, Theft, Kasaragod, Police, Case, House
Tags
Share this story
