കുഞ്ചത്തൂരില്‍ വര്‍ഗീയ സംഘര്‍ഷത്തിന് നീക്കം; പോലീസ് ജാഗ്രതയില്‍

തികച്ചും സമാധാനം നിലനില്‍ക്കുന്ന കുഞ്ചത്തൂരില്‍ ഇരുവിഭാഗങ്ങളെയും തമ്മിലടിപ്പിക്കുന്നതിന്റെ ഭാഗമായാണ് ഈ നടപടിയെന്ന് തിരിച്ചറിഞ്ഞതോടെയാണ് പോലീസ് ജാഗ്രത പാലിച്ചുവരുന്നത്. എസ്.പിയുടെ കീഴില്‍ പ്രവര്‍ത്തിക്കുന്ന ഷാഡോ പോലീസും, രഹസ്യാന്വേഷണ വിഭാഗവും കുഞ്ചത്തൂരില്‍ അന്വേഷണം നടത്തി വരുന്നു. ജനങ്ങളില്‍ വര്‍ഗീയ ചേരിതിരിവ് ഉണ്ടാക്കുന്നവരെ കണ്ടെത്താന്‍ മഞ്ചേശ്വരം പോലീസും അന്വേഷണം ഊര്‍ജിതമാക്കിയിട്ടുണ്ട്.

File photo

വ്യാപാര സ്ഥാപനങ്ങളുടെയും, ഹോട്ടലുകളുടെയും ബോര്‍ഡുകള്‍ നശിപ്പിച്ച സംഭവത്തിലും ഹോട്ടല്‍ തകര്‍ത്തതിലും പോലീസില്‍ പരാതി നല്‍കിയിട്ടുണ്ട്. ആരാധനാലയങ്ങളുടെ ഫ്ലക്‌സ് ബോര്‍ഡുകളും തോരണങ്ങളും നശിപ്പിച്ചതിലും പരാതി ലഭിച്ചിട്ടുണ്ട്. രാത്രികാല പരിശോധനയും നിരീക്ഷണവും ശക്തമാക്കി. അടുത്തകാലത്തായാണ് കുഞ്ചത്തൂരില്‍ ചില സംഘങ്ങള്‍ ഇവരുടെ പ്രവര്‍ത്തനം സജീവമാക്കിയത്.