എടനീരിലെ യൂത്ത് കോണ്‍ഗ്രസ് ഓഫീസിനു നേരെ രണ്ടു വര്‍ഷത്തിനിപ്പുറം വീണ്ടും അക്രമം; അന്നത്തെ പ്രതികളെ പിടികൂടാന്‍ പോലീസിനായില്ല, വീണ്ടും പരാതി നല്‍കി

By Web Desk - MainAug 31, 2019, 11:04 IST

ചെര്‍ക്കള: (www.kasargodvartha.com 31.08.2019) എടനീര്‍ ബയറമൂലയിലെ യൂത്ത് കോണ്‍ഗ്രസ് ഓഫീസിനു നേരെ രണ്ടു വര്‍ഷത്തിനിപ്പുറം വീണ്ടും അക്രമം. ജനല്‍ച്ചില്ലുകള്‍ തകര്‍ന്നു. വ്യാഴാഴ്ച പുലര്‍ച്ചെയാണ് അക്രമമെന്ന് സംശയിക്കുന്നു. സംഭവം സംബന്ധിച്ച് വിദ്യാനഗര്‍ പോലീസില്‍ പരാതി നല്‍കിയതായി യൂത്ത് കോണ്‍ഗ്രസ് യൂണിറ്റ് പ്രസിഡന്റ് എ സനോജ് അറിയിച്ചു. അക്രമത്തില്‍ ഓഫീസിന്റെ ഇരുഭാഗങ്ങളിലെയും ജനലുകളുടെ ചില്ലുകള്‍ പൊട്ടിയനിലയിലാണ്.

രണ്ടു വര്‍ഷം മുമ്പും ഇതേ ഓഫീസിനു നേരെ അക്രമമുണ്ടായിരുന്നു. അന്ന് പ്രതികളെ പിടികൂടാന്‍ പോലീസിനായിരുന്നില്ലെന്ന് യൂത്ത് കോണ്‍ഗ്രസ് നേതാക്കള്‍ പറഞ്ഞു.