എസ് ഡി പി ഐ പ്രവര്‍ത്തകനെ വെടിവെച്ചു കൊല്ലാന്‍ ശ്രമിച്ച സംഭവത്തില്‍ 5 പേര്‍ക്കെതിരെ വധശ്രമത്തിന് കേസെടുത്തു, ഒരാള്‍ കസ്റ്റഡിയില്‍

മഞ്ചേശ്വരം: (www.kasargodvartha.com 07.02.2019) കഞ്ചാവു മാഫിയക്കെതിരെ പ്രവര്‍ത്തിച്ചതിന്റെ വൈരാഗ്യത്തില്‍ എസ് ഡി പി ഐ പ്രവത്തകനായ യുവാവിനെ വെടിവെച്ച് കൊലപ്പെടുത്താന്‍ ശ്രമിച്ച സംഭവത്തില്‍ അഞ്ചു പേര്‍ക്കെതിരെ വധശ്രമത്തിന് പോലീസ് കേസെടുത്തു. ഇതില്‍ ഒരാള്‍ പോലീസ് കസ്റ്റഡിയിലാണ്. ഹര്‍ഷാദ്, ഷാക്കിര്‍, റഹീം എന്നിവര്‍ക്കെതിരെയും കണ്ടാലറിയാവുന്ന രണ്ടു പേര്‍ക്കുമെതിരെയാണ് 308 പ്രകാരം പോലീസ് കേസെടുത്തിരിക്കുന്നത്.

ഇതില്‍ റഹീം ആണ് പോലീസ് കസ്റ്റഡിയിലുള്ളത്. എസ് ഡി പി ഐ പ്രവര്‍ത്തകന്‍ സിദ്ദീഖ് പള്ളത്തടുക്കയെ വെടിവെച്ച് കൊല്ലാന്‍ ശ്രമിച്ചതെന്നാണ് പരാതി. ചൊവ്വാഴ്ച വൈകിട്ട് 6.30 മണിയോടെ മിയാപദവ് പെട്രോള്‍ പമ്പിന് സമീപത്ത് വെച്ചാണ് കഞ്ചാവ് സംഘം വെടിയുതിര്‍ത്തതെന്നാണ് യുവാവിന്റെ പരാതി. രണ്ട് തവണ നിറയൊഴിച്ച കഞ്ചാവ് സംഘത്തിന്റെ അക്രമത്തില്‍ നിന്നും താലനാരികക്കാണ് രക്ഷപ്പെട്ടതെന്ന് യുവാവ് പോലീസിനോട് വെളിപ്പെടുത്തി.

Related News:
കഞ്ചാവ് മാഫിയ സംഘം എസ് ഡി പി ഐ പ്രവര്‍ത്തകനായ യുവാവിനെ വെടിവെച്ച് കൊല്ലാന്‍ ശ്രമിച്ചതായി പരാതി