സംഘര്‍ഷം തടയാനെത്തിയ പോലീസിനു നേരെ അക്രമം നടത്തിയ കേസില്‍ യുവാവ് അറസ്റ്റില്‍

By Web Desk - MainApr 19, 2018, 13:06 IST

മഞ്ചേശ്വരം: (www.kasargodvartha.com 19.04.2018) സംഘര്‍ഷം തടയാനെത്തിയ പോലീസിനു നേരെ അക്രമം നടത്തിയ കേസില്‍ യുവാവ് അറസ്റ്റില്‍. മഞ്ചേശ്വരം രജിസ്ട്രാര്‍ ഓഫീസിന് സമീപത്തെ മൊയ്തീന്‍ സമാനെ (29)യാണ് മഞ്ചേശ്വരം പോലീസ് അറസ്റ്റു ചെയ്തത്. ഇക്കഴിഞ്ഞ തിങ്കളാഴ്ച രാത്രി മഞ്ചേശ്വരം കീര്‍ത്തേശ്വരി നഗറില്‍ വെച്ച് ഇരുവിഭാഗങ്ങള്‍ തമ്മില്‍ സംഘര്‍ഷമുണ്ടായിരുന്നു.

സംഘര്‍ഷം തടയാനെത്തിയ പോലീസിനു നേരെ കല്ലേറ് നടത്തുകയും സോഡാകുപ്പിയെറിയുകയും ചെയ്ത സംഭവത്തിലാണ് സമാനെ പോലീസ് അറസ്റ്റു ചെയ്തത്. കേസില്‍ ഇനി നിരവധി പേരെ കിട്ടാനുണ്ടെന്ന് പോലീസ് പറഞ്ഞു.