ഉടുമ്പിനെ കൊന്ന് കറിവെച്ച സംഭവം: അധികൃതര്‍ക്ക് വിവരം നല്‍കിയെന്നാരോപിച്ച് ആക്രമണം;നാലുപേര്‍ക്ക് പരിക്ക്

By WebDesk OmegaDec 9, 2019, 14:24 IST

നീലേശ്വരം: (www.kasargodvartha.com 09.12.2019) ഉടുമ്പിനെ കൊന്ന് കറിവെച്ച സംഭവത്തിന്റെ വിവരങ്ങള്‍ അധികൃതരെ അറിയിച്ചെന്നാരോപിച്ച് ദമ്പതികളെയും പതിനൊന്നുവയസുള്ള മകനുമടക്കം നാലുപേരെ മര്‍ദിച്ചതായി പരാതി. ഞായറാഴ്ച രാവിലെ 10 മണിയോടെയാണ് അമ്പതോളം വരുന്ന സംഘം ചായ്യോം വാഴപ്പന്തലിലെ കെ.കെ ബിജുവിന്റെ വീട് ആക്രമിച്ചത്.

ഉടുമ്പിനെ കൊന്ന് കറിവെച്ച സംഭവം: അധികൃതര്‍ക്ക് വിവരം നല്‍കിയെന്നാരോപിച്ച് ആക്രമണം;നാലുപേര്‍ക്ക് പരിക്ക്

ഉടുമ്പിനെ കൊന്ന് കറിവെച്ച ദൃശ്യം നവമാധ്യമങ്ങളില്‍ അടുത്തിടെ പ്രചരിച്ചിരുന്നു. ഇത് ശ്രദ്ധയില്‍പ്പെട്ട വനംവകുപ്പ് കേസെടുക്കുകയും ചായ്യോം ബസാറിലെ സി ചന്ദ്രനെ(42) അറസ്റ്റ് ചെയ്യുകയും ചെയ്തിരുന്നു.
ഈ കേസില്‍ ഒന്നാംപ്രതിയായ ടി.എം അഷ്റഫ് (53) ഒളിവിലാണ്. ഇയാള്‍ കര്‍ണ്ണാടകയിലേക്ക് കടന്നതായാണ് വിവരം.