ആരിക്കാടി കടവത്ത് കുടിവെള്ളമില്ലാതെ നൂറ് കുടുംബങ്ങൾ ദുരിതത്തിൽ; പൈപ്പ് ലൈൻ തകർന്നിട്ട് മൂന്ന് മാസം

കുമ്പള: (KasargodVartha) കുമ്പള ഗ്രാമപഞ്ചായത്ത് പരിധിയിലെ ആരിക്കാടി കടവത്ത് പ്രദേശത്ത് നൂറോളം കുടുംബങ്ങൾ മൂന്ന് മാസമായി കുടിവെള്ളമില്ലാതെ ദുരിതത്തിലായിരിക്കുകയാണ്.

ദേശീയപാത വികസന പ്രവർത്തനത്തിന്റെ ഭാഗമായി റോഡ് കിളച്ചപ്പോൾ ജലവിതരണ പൈപ്പ് ലൈൻ തകരുകയായിരുന്നു. എന്നാൽ, അതിന്റെ അറ്റകുറ്റപ്പണി നടത്താതെ പൊട്ടിയ ഭാഗം മണ്ണിട്ട് മൂടിയതോടെ പ്രദേശത്തെ ജലവിതരണം പൂർണ്ണമായും മുടങ്ങി.

ദിവസേന കുടിവെള്ളത്തിനായി നാട്ടുകാർ ദൂരെ പ്രദേശങ്ങളിൽ നിന്നാണ് വെള്ളം ശേഖരിക്കുന്നത്. നിരവധി തവണ പഞ്ചായത്തധികൃതരോടും കരാർ കമ്പനിയോടും പരാതിപ്പെട്ടിട്ടും യാതൊരു നടപടിയും ഇതുവരെ കൈക്കൊണ്ടിട്ടില്ലെന്നാണ് നാട്ടുകാരുടെ പ്രധാന പരാതി.

ജലവിതരണ പ്രശ്നം ഉടൻ പരിഹരിക്കണമെന്ന് നാട്ടുകാർ ശക്തമായി ആവശ്യപ്പെട്ടു.

കുടിവെള്ളം കിട്ടാതെ ദുരിതത്തിലായ ഈ നൂറ് കുടുംബങ്ങളുടെ വാർത്ത അധികാരികളുടെ ശ്രദ്ധയിൽപ്പെടുത്താൻ നിങ്ങൾ സഹായിക്കുമോ? ഈ വാർത്ത ഷെയർ ചെയ്യുക. 

Article Summary: Around 100 families in Arikkadi Kadavath face a 3-month water crisis due to a broken pipeline.

#Arikkadi #WaterCrisis #Kumbla #Kasargod #HighwayWork #WaterSupply