കൂടപ്പിറപ്പ് വെട്ടേറ്റ് മരിച്ചു കിടക്കുന്നത് ആദ്യം കണ്ടത് അനുജത്തി അമൃത

By Desk DeltaFeb 18, 2019, 23:46 IST

പെരിയ: (www.kasargodvartha.com 18.02.2019) വെട്ടേറ്റുകിടക്കുന്ന ശരത്തിനെ ആദ്യം കണ്ടത് സഹോദരി അമൃത. ചോരയില്‍ കുളിച്ചുകിടക്കുന്ന ശരത്തിനെ ആദ്യം നേരില്‍ക്കണ്ടതോടെ അതിന്റെ കൊടിയ വേദനയിലാണ് അനുജത്തി അമൃത.

അമൃത ബന്ധുക്കള്‍ക്കൊപ്പം ഉദയപുരത്ത് ഒരു കല്യാണത്തിനു പോയി ജീപ്പില്‍ മടങ്ങിവരികയായിരുന്നു. ആ സമയത്താണ് പ്രാണവേദനയാല്‍ പുളഞ്ഞ് സ്വന്തം കൂടപ്പിറപ്പ് റോഡരികില്‍ വീണുകിടക്കുന്നത് കണ്ടത്. അതേ ജീപ്പില്‍ ഉടന്‍ തന്നെ മംഗളുരു ആശുപത്രിയിലേയ്ക്ക് പുറപ്പെട്ടെങ്കിലും വഴിമധ്യേ മരണപ്പെടുകയായിരുന്നു.