ഓള്‍ കേരള ഗോള്‍ഡ് മര്‍ച്ചന്റ്‌സ് അസോസിയേഷന്‍ ജില്ലാ സമ്മേളനം തുടങ്ങി

സമ്മേളനം കാസര്‍കോട് എം.എല്‍.എ എന്‍.എ.നെല്ലിക്കുന്ന് ഉദ്ഘാടനം ചെയ്തു. ജില്ലാ പ്രസിഡന്റ് കെ.എം.അബ്ദുല്‍ കരീം സിറ്റി ഗോള്‍ഡ് അധ്യക്ഷത വഹിച്ചു. സംസാഥന ജന.സെക്രട്ടറി പി.സി.നടരാജന്‍ മുഖ്യ പ്രഭാഷണം നടത്തി. ജില്ലാ പോലീസ് സൂപ്രണ്ട് എസ്.സുരേന്ദ്രന്‍ വിശിഷ്ടാഥിതിയായിരുന്നു. വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് കെ.അഹ്മദ് ഷെരീഫ്, ഗോള്‍ഡ് മര്‍ച്ചന്റ്‌സ് അസോസിയേഷന്‍ കണ്ണൂര്‍ ജില്ലാ പ്രസിഡന്റ് എം.ബാലന്‍, മലപ്പുറം ജില്ലാ പ്രസിഡന്റ് പി.കെ.ഐമു ഹാജി എന്നിവര്‍ മുഖ്യാഥിതികളായിരുന്നു.

ജന.സെക്രട്ടറി കോടോത്ത് അശോകന്‍ നായര്‍ സുമംഗലി സ്വാഗതം പറഞ്ഞു. ജില്ലാ സെക്രട്ടറി റോയ് ജോസഫ് മൊണാര്‍ക്ക് റിപോര്‍ട്ട് അവതരിപ്പിച്ചു. ട്രഷറര്‍ ബി.എം.അബ്ദുല്‍ കബീര്‍ വരവുചിലവ് കണക്കവതരിപ്പിച്ചു. 2012ലെ ടൈം അവാര്‍ഡ് നേടിയ കോടോത്ത് അശോകന്‍ നായരെയും മുഖ്യാരക്ഷാധികാരി കെ.വി.കുഞ്ഞിക്കണ്ണന്‍ ബിന്ദു ജ്വല്ലറിയെയും ആദരിക്കും. തുടര്‍ന്ന് പുതിയ ഭാരവാഹികളെ തിരഞ്ഞെടുക്കും.