പള്ളികളുടെ ഭരണത്തിന് ആധുനികമുഖം: കാസർകോട്ടെ യുവ എൻജിനീയർമാർ വികസിപ്പിച്ച 'അൽബിഷാറ' മസ്ജിദ് മാനേജ്മെന്റ് ആപ്പ് ലോഞ്ച് ചെയ്തു

കാസർകോട്: (KasargodVartha) മസ്ജിദുകളുടെയും അനുബന്ധ സ്ഥാപനങ്ങളുടെയും ദൈനംദിന പ്രവർത്തനങ്ങൾ, കണക്കുകൾ, വിവര കൈമാറ്റം എന്നിവ ഓൺലൈൻ പ്ലാറ്റ്‌ഫോമിലേക്ക് മാറ്റുന്നതിനായി കാസർകോട്ടെ യുവ എൻജിനീയർമാർ വികസിപ്പിച്ചെടുത്ത 'അൽബിഷാറ' (ALBISHARA) മസ്ജിദ് മാനേജ്‌മെന്റ് സോഫ്റ്റ്‌വെയർ ലോഞ്ച് ചെയ്തു. കർണാടക വഖഫ് ന്യൂനപക്ഷ വകുപ്പ് മന്ത്രി സമീർ അഹമ്മദ് ആപ്പിന്റെ സ്വിച്ച് ഓൺ കർമ്മം നിർവ്വഹിച്ചു.

പി.കെ. കുഞ്ഞാലിക്കുട്ടി എം.എൽ.എ., എൻ.എ. നെല്ലിക്കുന്ന് എം.എൽ.എ., എ.കെ.എം. അഷ്റഫ് എം.എൽ.എ. എന്നിവർ ചടങ്ങിൽ സന്നിഹിതരായിരുന്നു.

സമഗ്രമായ പരിഹാരം 

പള്ളികളുടെ ഭരണം, വിവര കൈമാറ്റം, കമ്മ്യൂണിറ്റി ഇടപഴകൽ എന്നിവ ആധുനിക ടൂളുകൾ ഉപയോഗിച്ച് ശാക്തീകരിക്കുന്നതിനായി മെഹ്‌വാർ ടെക്‌നോളജി ആണ് 'അൽബിഷാറ' വികസിപ്പിച്ചെടുത്തത്. സുരക്ഷിതവും ലളിതവുമായ ഈ സോഫ്റ്റ്‌വെയർ, സ്ഥാപനങ്ങളുടെ അഡ്മിനിസ്ട്രേഷനിൽ സുതാര്യതയും കൃത്യതയും ഉറപ്പാക്കുന്നു.

മംഗലാപുരം പി.എ. എൻജിനീയറിങ് കോളേജിൽ നിന്ന് കമ്പ്യൂട്ടർ സയൻസിൽ എൻജിനീയറിങ് പൂർത്തിയാക്കിയ കാസർകോട്ടെ മുഹമ്മദ് ശഫീഖ്, മുഹമ്മദ് റാഹിൽ, മുഹമ്മദ് അൻവർ, മുഹമ്മദ് മുഹ്‌സിൻ ഷെരീഫ് എന്നിവർ ചേർന്നാണ് മെഹ്‌വാർ ടെക്‌നോളജിക്ക് രൂപം നൽകിയത്.

ആപ്പിലെ പ്രധാന സവിശേഷതകൾ

ഒരു സ്ഥാപനത്തിൻ്റെ മുഴുവൻ വിവരങ്ങളും ഒറ്റ ക്ലിക്കിൽ ഒരു കുടക്കീഴിൽ ലഭ്യമാകുന്ന തരത്തിലാണ് ആപ്പ് രൂപകൽപ്പന ചെയ്തിരിക്കുന്നത്. അൽബിഷാറ നൽകുന്ന പ്രധാന സേവനങ്ങളാണ് താഴെ:

• അംഗങ്ങളുടെ വിവരങ്ങൾ: ജമാഅത്ത് അംഗങ്ങളുടെ പൂർണ്ണ വിവരങ്ങൾ, കുടുംബാംഗങ്ങളുടെ ഡാറ്റ, ഫാമിലി ട്രീ എന്നിവ കൈകാര്യം ചെയ്യാം.
• സാമ്പത്തിക സുതാര്യത: സംഭാവനകളുടെയും ചെലവുകളുടെയും കൃത്യമായ രേഖകൾ. അംഗങ്ങൾക്ക് അവരുടെ കുടിശ്ശിക, വരവുകൾ എന്നിവ മൊബൈൽ ഫോൺ ഉപയോഗിച്ച് സ്വയം പരിശോധിക്കാം.
• മാനേജ്‌മെൻ്റ് റിപ്പോർട്ടുകൾ: പ്രതിമാസ, വാർഷിക റിപ്പോർട്ടുകൾ, മാനേജ്‌മെൻ്റ് റിപ്പോർട്ടുകളും അനലിറ്റിക്സും എളുപ്പത്തിൽ ഉണ്ടാക്കാം.
• സ്ഥാപന വിവരങ്ങൾ: പള്ളികളിൽ ജോലി ചെയ്യുന്ന ഉസ്താദുമാരുടെ വിവരങ്ങൾ, ഹാജർ, കമ്മിറ്റിയുടെ ദൈനംദിന കണക്കുകൾ, രസീതുകൾ എന്നിവയുടെ പൂർണ്ണ രേഖകൾ.
• മദ്രസ മാനേജ്‌മെന്റ്: സ്ഥാപനങ്ങളിലെ വിദ്യാർത്ഥികളുടെയും രക്ഷിതാക്കളുടെയും വിവരങ്ങൾ, വിദ്യാർത്ഥികളുടെ ഹാജർ, മാർക്ക്, അവധി എന്നിവ കൃത്യമായി രേഖപ്പെടുത്താം. മദ്രസ അപ്‌ഡേറ്റുകളും അറിയിപ്പുകളും ഇതിലൂടെ നൽകാം.
• വിവര കൈമാറ്റം: ഇവൻ്റുകൾ, പ്രോഗ്രാം റിമൈൻഡറുകൾ, സ്റ്റാഫ് ഡ്യൂട്ടി ഷെഡ്യൂളിങ്, അറിയിപ്പുകൾ എന്നിവ എളുപ്പമാക്കുന്നു.

ഇന്നത്തെ വെല്ലുവിളികൾക്ക് പരിഹാരം

മസ്ജിദ് മാനേജ്‌മെന്റ് നേരിടുന്ന പ്രധാന വെല്ലുവിളികളായ മാനുവൽ രസീതുകൾ മൂലമുണ്ടാകുന്ന ആശയക്കുഴപ്പങ്ങൾ, കണക്കുകളിൽ വരുന്ന പിശകുകൾ, അംഗങ്ങളുടെ വിവരങ്ങൾ ട്രാക്ക് ചെയ്യാനുള്ള ബുദ്ധിമുട്ട്, അനാവശ്യ പേപ്പർ വർക്കുകൾ, ഇവന്റുകളുടെയും ആശയവിനിമയങ്ങളുടെയും രേഖകൾ ഇല്ലാതിരിക്കുക തുടങ്ങിയ പ്രശ്‌നങ്ങൾക്ക് അൽബിഷാറ പരിഹാരമാകും.

അംഗങ്ങൾക്ക് അവരുടെ മൊബൈൽ ഫോൺ ഉപയോഗിച്ച് അവരവരുടെ കുടിശിക, വരവുകൾ എന്നിവ ഈ ആപ്പ് വഴി സ്വയം പരിശോധിക്കാനും സാധിക്കും. ചുരുക്കിപ്പറഞ്ഞാൽ ജമാഅത്തിൻ്റെ കണക്ക് ഉൾപ്പെടെയുള്ള മുഴുവൻ ‘തലവേദനകളും’ ഈ ആപ്പ് ഉപയോഗിച്ച് പരിപൂർണ്ണമായി മാറ്റാൻ സാധിക്കും. മുകളിൽ സൂചിപ്പിച്ചത് കൂടാതെ കാലാനുസൃതമായ പല ഫീച്ചറുകളും ഈ സോഫ്റ്റ് വെയറിൽ ഉൾപ്പെടുത്തുകയും ചെയ്യും.

അൽബിഷാറയുടെ സേവനങ്ങൾ മാസവരി - ₹399, ഒരു വർഷത്തേക്ക് - ₹4499 എന്നിങ്ങനെ രണ്ട് പ്ലാനുകളിൽ ലഭ്യമാണ്. വെബ്സൈറ്റ് വഴി സൗജന്യ ഡെമോ ബുക്ക് ചെയ്ത് ആപ്പ് ഉപയോഗിച്ച് തുടങ്ങാവുന്നതാണ്.

ആധുനിക ഉപകരണങ്ങൾ ഉപയോഗിച്ച് മസ്ജിദ് ഭരണത്തെ ശാക്തീകരിക്കുക, ആശയവിനിമയം മെച്ചപ്പെടുത്തുക, സുതാര്യമായ ജനപങ്കാളിത്തം ഉറപ്പാക്കുക എന്നിവയാണ് അൽബിശാറയുടെ ലക്ഷ്യങ്ങൾ. പള്ളികളിലെ ഭരണപരമായ കാര്യങ്ങൾ കൂടുതൽ സുതാര്യമാക്കാനും വേഗത്തിലാക്കാനും ഈ പുതിയ ഓൺലൈൻ പ്ലാറ്റ്‌ഫോം സഹായകമാവുമെന്നാണ് പ്രതീക്ഷ. 

കൂടുതൽ വിവരങ്ങൾക്കായി +91 98959 80662, +91 90370 55310 എന്നീ നമ്പറുകളിൽ ബന്ധപ്പെടുകയോ  www(dot)mehwartechnology(dot)com എന്ന വെബ്സൈറ്റ് സന്ദർശിക്കുകയോ ചെയ്യാവുന്നതാണ്.

മസ്ജിദുകളുടെ പ്രവർത്തനം സുതാര്യമാക്കാൻ ഈ ഡിജിറ്റൽ നീക്കം സഹായിക്കുമോ? നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Albishara software launched to digitize mosque administration and management.

#Albishara #MasjidManagement #KeralaTech #Kasaragod #MehwarTechnology #DigitalMosque