അബ്ദുല്‍ റഹ്മാന്‍ ഹാജിയുടെ തിരോധാനത്തിലെ ദുരൂഹത അകന്നില്ല

Abdul Rahman Haji

മുള്ളേരിയ: ഏഴുമാസം മുമ്പ് ദുരൂഹ സാഹചര്യത്തില്‍ കാണാതായ അഡൂര്‍ പള്ളങ്കോട്ടെ അബ്ദുല്‍ റഹ്മാന്‍ ഹാജിയുടെ തിരോധാനത്തിലെ ദുരൂഹത അകന്നില്ല. 2011 ഒക്ടോബര്‍ 24 നാണ് ഇയാളെ കാണാതായത്. മംഗലാപുരത്ത് ചികിത്സയിലായിരുന്ന ബന്ധുവിനെ സന്ദര്‍ശിച്ച് മടങ്ങിയ അദ്ദേഹം പിന്നീട് വീട്ടില്‍ തിരിച്ചെത്തിയില്ല. ബന്ധുക്കളും നാട്ടുകാരും നിരവധി അന്വേഷണങ്ങള്‍ നടത്തിയെങ്കിലും കണ്ടെത്താനായില്ല.

ആരോഗ്യപരമായോ, സാമ്പത്തികമായോ പ്രയാസങ്ങളൊന്നും ഇദ്ദേഹത്തിനില്ലായിരുന്നു. അടുത്ത ബന്ധു എം.പി. അന്തൂഞ്ഞിഹാജിയുടെ വിയോഗ വിവരമറിഞ്ഞെങ്കിലും തിരിച്ച് വീട്ടിലെത്തുമെന്നായിരുന്നു ബന്ധുക്കളുടെ കണക്കുകൂട്ടല്‍. അബ്ദുല്‍ റഹ്മാന്‍ ഹാജിയുടെ വരവിനായി പ്രാര്‍ത്ഥനാപൂര്‍വ്വം കാത്തിരിക്കുകയാണ് കുടുംബം.