ബസിടിച്ച് മരിച്ച സ്ത്രീയെ തിരിച്ചറിഞ്ഞു

By Web Desk - MainOct 28, 2019, 16:05 IST

കാസര്‍കോട്: (www.kasargodvartha.com 28.10.2019) നഗരത്തില്‍ ബാങ്ക് റോഡില്‍ പോലീസ് സ്‌റ്റേഷനു സമീപം ബസിടിച്ചു മരിച്ച സ്ത്രീയെ തിരിച്ചറിഞ്ഞു. ബീരന്ത്ബയലിലെ പരേതനായ ബാബുനായിക്കിന്റെ ഭാര്യ സീത (70)യാണ് മരിച്ചത്. തിങ്കളാഴ്ച ഉച്ചയ്ക്ക് 12 മണിയോടെയാണ് കാസര്‍കോട് -തലപ്പാടി റൂട്ടിലോടുന്ന കെ എല്‍ 14 ഇ 3205 നമ്പര്‍ ഗജനാന ബസിടിച്ച് സീത മരിച്ചത്.

ബസിന്റെ ചക്രം തലയിലൂടെ കയറിയിറങ്ങിയതിനാല്‍ തല്‍ക്ഷണം മരണം സംഭവിച്ചിരുന്നു. ജനറല്‍ ആശുപത്രിയിലേക്ക് മാറ്റിയ മൃതദേഹം ബന്ധുക്കളെത്തി തിരിച്ചറിഞ്ഞു. മകളുടെ വീട്ടിലേക്ക് പോകാനായി വീട്ടില്‍ നിന്നുമിറങ്ങിയതായിരുന്നുവെന്ന് ബന്ധുക്കള്‍ പറഞ്ഞു. മക്കള്‍: സതീഷ, ജഗന്നാഥ, നളിനി, ഗിരീഷ്, ഗണേഷ്. മരുമക്കള്‍: വസന്തി, നിഷിത, നാരായണ, അശ്വിനി. സഹോദരങ്ങള്‍: ലീല, പരേതരായ അനന്ത, ദൂമക്ക.