Launch | നെല്ലിക്കട്ടയിൽ പുതിയ യുവജന സംഘം രൂപംകൊണ്ടു

ചെർക്കള: (KasargodVartha) നെല്ലിക്കട്ടയിൽ യുവത്വത്തിന്റെ പുതിയ അധ്യായം തുറന്നുകൊണ്ട് ടൗൺ ടീം നെല്ലിക്കട്ട എന്ന പേരിൽ ഒരു പുതിയ ക്ലബ് രൂപംകൊണ്ടു. ക്ലബ്ബിന്റെ ഉദ്ഘാടനം ബദിയടുക്ക സർക്കിൾ ഇൻസ്‌പെക്ടർ സുധീർ കെ നിർവഹിച്ചു. ക്ലബ് പ്രസിഡന്റ് സാബിർ അധ്യക്ഷത വഹിച്ച ചടങ്ങിൽ ഗ്രാമപഞ്ചായത്ത് അംഗം അൻഷീഫ അർഷാദ് മുഖ്യാതിഥിയായിരുന്നു.

വേണു അതൃകുഴി, അബ്ദുൽ ഖാദർ എൻ.എ, ഇബ്രാഹിം കെ.എം, അബൂബക്കർ ഗിരി, നാസർ കാട്ടുകൊച്ചി, ഹനീഫ അൽ അമീൻ, പുരുഷോത്തമൻ നായർ എന്നിവർ സംസാരിച്ചു. ലഹരി വിരുദ്ധ ബോധവൽക്കരണ ക്ലാസിന് ബദിയടുക്ക സ്റ്റേഷൻ സിവിൽ ഓഫിസർ ജനാർദ്ദനൻ നേതൃത്വം നൽകി.

വിവിധ മേഖലകളിൽ തങ്ങളുടെ കഴിവുകൾ തെളിയിച്ച അബ്ദുല്ല ശുക്രിയ, യുസുഫ് ബിലാൽ നഗർ, ശങ്കരൻ, ശരീഫ് ചേരു പൈക്ക, ഡോക്ടർ അംശീദ മുഹമ്മദ്, അഡ്വക്കേറ്റ് തബ്ഷീറ, ഫാറൂഖ് മലബാർ, ഹകീം മലബാർ എന്നിവരെ ആദരിച്ചത് ചടങ്ങിന് മാറ്റ് കൂട്ടി.

അഷ്ഫാഖ് അർക്ക സ്വാഗതവും ഷാനിഫ് നെല്ലിക്കട്ട നന്ദിയും പറഞ്ഞു. ഈ പുതിയ ക്ലബ് നെല്ലിക്കട്ടയുടെ സാമൂഹിക, സാംസ്കാരിക രംഗങ്ങളിൽ സജീവമായ പങ്കുവഹിക്കുമെന്ന പ്രതീക്ഷയിലാണ് നാട്ടുകാർ.

ഭാരവാഹികൾ

പ്രസിഡന്റ്: സാബിർ
വൈസ് പ്രസിഡന്റുമാർ: ഫാറൂഖ് മലബാർ, സിദ്ധിഖ് എം.കെ
ജനറൽ സെക്രട്ടറി: ഫാരിസ് കെ.സി
ജോയിന്റ് സെക്രട്ടറിമാർ: സവാദ് എൻ.എ, മുസമ്മിൽ കെ.എം
ട്രഷറർ: അഷ്റിദ് ശുകിരിയ
എക്സിക്യൂട്ടീവ് അംഗങ്ങൾ: ഖലീൽ, അൻഷാദ് മലബാർ, തർഫീഹ്, ഹസീബ് പി.സി, അഷ്ഫാഖ് അബ്ദുല്ല, സാദിഖ് ടി.എ, ആപ്പു സുൽത്താൻ, ഇർഷാദ് അറഫാ
സ്പോർട്സ് കാപ്റ്റൻ: അനസ് പി.സി
സ്പോർട്സ് കൺവീനർ: മുസമ്മിൽ എൻ.എ

ഈ പുതിയ സംരംഭത്തിന്, ടൗൺ ടീം നെല്ലിക്കട്ടയ്ക്ക് ആശംസകൾ നേരുന്നു.

#Nellikkat, #YouthClub, #Kerala, #Community, #Inauguration, #SocialActivities