പൂട്ടിയിട്ട വീട് കുത്തിതുറന്ന് 70 പവന്‍ സ്വര്‍ണം കൊള്ളയടിച്ചു

കാഞ്ഞങ്ങാട്: (www.kasargodvartha.com 15.10.2017) പൂട്ടിയിട്ട വീട് കുത്തിത്തുറന്ന് 70 പവന്‍ സ്വര്‍ണാഭരണങ്ങള്‍ കൊള്ളയടിച്ചു. ഹൊസ്ദുര്‍ഗ് ടി.ബി റോഡിലെ വേങ്ങച്ചേരി കോംപ്ലക്സില്‍ ജോലി ചെയ്യുന്ന പി. അബ്ദുല്‍ ഗഫൂറിന്റെ ആവിയിലെ വീട്ടിലാണ് കവര്‍ച്ച നടന്നത്. ശനിയാഴ്ച രാവിലെ ഒമ്പത് മണിക്ക് അബ്ദുല്‍ ഗഫൂര്‍ ഓഫീസിലേക്ക് ജോലിക്ക് പോയിരുന്നു.

ഭാര്യ റയ് ഹാനത്തും മക്കളും നീലേശ്വരത്തെ വീട്ടിലേക്കും പോയി. രാത്രി എട്ടു മണിക്ക് നീലേശ്വരത്ത് പോയി ഭാര്യയേയും കൂട്ടി ആവിയിലെ വീട്ടിലെത്തിയ അബ്ദുല്‍ ഗഫൂര്‍ അടുക്കള ഭാഗത്ത് ചെന്ന് നോക്കിയപ്പോഴാണ് ഗ്രില്‍സിന്റെ പൂട്ടുകള്‍ തകര്‍ത്ത നിലയില്‍ കണ്ടെത്തിയത്. അടുക്കള ഭാഗത്തെ മൂന്ന് ഗ്രില്‍സുകളുടെയും പൂട്ടുകള്‍ തകര്‍ത്തിരുന്നു. കിടപ്പുമുറിയുടെ വാതിലും അലമാരയും തകര്‍ത്താണ് സ്വര്‍ണാഭരണങ്ങള്‍ കവര്‍ച്ച ചെയ്തത്.

പോലീസ് കേസെടുത്ത് അന്വേഷണം തുടങ്ങി.