കാട്ടുപന്നിയുടെ ആക്രമണത്തില്‍ ഗുരുതരമായി പരിക്കേറ്റ് 55കാരന്‍ ആശുപത്രിയില്‍; കാലിലെ മാംസം പന്നി കടിച്ചെടുത്തു

By Web Desk - MainJun 3, 2018, 16:23 IST

വെള്ളരിക്കുണ്ട്: (www.kasargodvartha.com 03.06.2018) കാട്ടുപന്നിയുടെ ആക്രമണത്തില്‍ ഗുരുതരമായി പരിക്കേറ്റ് 55 കാരനെ ആശുപത്രിയില്‍ പ്രവേശിപ്പിച്ചു. ബളാല്‍ മരുതംകുളത്തെ താമരത്തിങ്കല്‍ മധുവിനെയാണ് പരിയാരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചത്. ശനിയാഴ്ച മരുതംകുളം റോഡില്‍ വെച്ചാണ് മധുവിനെ കാട്ടുപന്നി ആക്രമിച്ചത്.

ഒരു കാലിലെ പിന്‍ഭാഗത്തെ മാംസം പന്നി കടിച്ചെടുത്തു. ഗുരുതരമായി പരിക്കേറ്റ് ചോരവാര്‍ന്ന മധുവിനെ ആദ്യം കാഞ്ഞങ്ങാട്ടെ ആശുപത്രിയിലെത്തിച്ചെങ്കിലും പിന്നീട് വിദഗ്ദ്ധ ചികിത്സയ്ക്കായി പരിയാരത്തേക്ക് മാറ്റുകയായിരുന്നു.