പിക്കപ്പ് വാനും കാറും കൂട്ടിയിടിച്ച് 5 പേര്‍ക്ക് പരിക്ക്

By Web Desk - MainFeb 18, 2017, 10:00 IST

ഉപ്പള: (www.kasargodvartha.com 18/02/2017) പിക്കപ്പ് വാനും കാറും കൂട്ടിയിടിച്ച് അഞ്ചു പേര്‍ക്ക് പരിക്കേറ്റു. ഉപ്പള ഹിദായത്ത് നഗറില്‍ ശനിയാഴ്ച രാവിലെയാണ് അപകടമുണ്ടായത്. മംഗളൂരുവില്‍ നിന്നും കണ്ണൂരിലേക്ക് പത്രങ്ങളുമായി പോവുകയായിരുന്ന പിക്കപ്പ് വാനാണ് അപകടത്തില്‍പെട്ടത്. പിക്കപ്പ് ഡ്രൈവര്‍ പഡുബിദ്രിയിലെ യോഗേഷ് നിസാര പരിക്കുകളോടെ രക്ഷപ്പെട്ടു.

അപകടത്തില്‍ യോഗേഷിനൊപ്പം പിക്കപ്പിലുണ്ടായിരുന്നയാള്‍ക്ക് ഗുരുതരമായി പരിക്കേറ്റു. ഇയാളെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. കാര്‍ യാത്രക്കാരായിരുന്ന മൂന്നു പേര്‍ക്കും അപകടത്തില്‍ പരിക്കേറ്റു. ഇവര്‍ സ്വകാര്യാശുപത്രിയില്‍ ചികിത്സതേടി.