വാഹന ഷോ­റു­മി­ന്റെ ഷ­ട്ടര്‍ പൊ­ളി­ച്ച് 3 ബൈ­ക്കു­കള്‍ കട­ത്തി കൊ­ണ്ടു പോയി

കാസര്‍­കോ­ട്: വാഹന ഷോ­റു­മി­ന്റെ ഷ­ട്ടര്‍ പൊ­ളി­ച്ച് മൂന്ന് ബൈ­ക്കു­കള്‍ കട­ത്തി കൊ­ണ്ടു പോയി. ഉ­പ്പ­ള റെ­യില്‍­വെ ഗേ­റ്റി­ന­ടു­ത്ത് ആ­ളൊ­ഴി­ഞ്ഞ സ്ഥലത്ത് പ്ര­വര്‍­ത്തി­ക്കുന്ന സൈന്‍ മോ­ട്ടോ­ഴ്‌­സി­ന്റെ ബ­ജാ­ജ് ഷോ­റൂ­മി­ന്റെ ഷ­ട്ടര്‍ പൊ­ളി­ച്ചാ­ണ് ബൈ­ക്കു­കള്‍ ക­ട­ത്തി കൊ­ണ്ടു പോ­യത്. ഞാ­യ­റാഴ്­ച രാ­ത്രി­യാ­ണ് ക­വര്‍­ച ന­ട­ന്നത്.

വാഹന ഷോറുമുകള്‍ക്ക് സെക്യൂരിറ്റി ഗാര്‍ഡുകളെ നിയമിക്കണമെന്ന് നിര്‍ദേശിച്ചിട്ടും പലസ്ഥാപനങ്ങളും ഗാര്‍ഡുമാരെ വെക്കാതെ ഒളിച്ചുകളിക്കുകയാണെന്ന് പോലീസ് പറഞ്ഞു. ഇവിടെ സെക്യൂരിറ്റി അലാറവും ഗഡിപ്പിച്ചിരുന്നില്ല ആളുകളില്ലാത്ത വിജനമായ സ്ഥലത്താണ് വാഹന ഷോറും പ്രവര്‍ത്തിക്കുന്നത്. ബൈക്ക് കവര്‍ചക്കാരുടെ ഉദ്ദേശം ഇനിയും വ്യക്തമായിട്ടില്ല.

കര്‍ണാടകയില്‍ നിന്നും കേരളത്തിലേക്കുള്ള സ്പിരിറ്റ്-മദ്യ കടത്തുകള്‍ക്കും മണല്‍ കള്ളകടത്തുകള്‍ക്കും എസ്‌ക്കോട്ടായി പോകാന്‍ ഉപയോഗിക്കുന്നത് ഇത്തരം കവര്‍ച ചെയ്ത ബൈക്കുകളാണെന്ന് പോലീസ് പറയുന്നു. പോലീസ് പിടികൂടുമ്പോള്‍ ബൈക്ക് ഉപേക്ഷിച്ച് രക്ഷപെടുകയാണ് ചെയ്യുന്നത്. ഉടമസ്ഥനില്ലാത്തതുകൊണ്ട് പ്രതികളെ പലപ്പോഴും പിടികൂടാനും കഴിയാറില്ല.

തി­ങ്ക­ളാഴ്­ച രാ­വി­ലെ ജോ­ലി­ക്കെത്തി­യ ജീ­വ­ന­ക്കാ­രാ­ണ് ഷ­ട്ടര്‍ പൊ­ളിച്ച നി­ല­യി­ല്‍ ക­ണ്ടത്. ഇ­വി­ടെ നി­ന്ന് മൂ­ന്ന് പു­ത്തന്‍ ബൈ­ക്കു­ക­ളാ­ണ് ക­ട­ത്തി കൊ­ണ്ടു പോ­യത്. ഷോറും അ­ധി­കൃ­തര്‍ വിവ­രം അ­റി­യി­ച്ച­തി­നെ­ത്തു­ടര്‍­ന്ന് മ­ഞ്ചേ­ശ്വ­രം പോ­ലീ­സ് സ്ഥ­ല­ത്തെ­ത്തി അ­ന്വേഷ­ണം ആ­രം­ഭിച്ചു. വി­ര­ല­ടയാ­ള വി­ദ­ഗ്­ദ്ധരും സ്ഥ­ല­ത്തെ­ത്തി തെ­ളി­വെ­ടുത്തു.