കാറിലിരുന്ന് കഞ്ചാവ് ബീഡി വലിച്ച 3 പേര്‍ അറസ്റ്റില്‍

ആദൂര്‍: (www.kasargodvartha.com 22.07.2017) കാറിലിരുന്ന് കഞ്ചാവ് ബീഡി വലിച്ച മൂന്ന് യുവാക്കളെ പോലീസ് അറസ്റ്റ് ചെയ്തു. പരപ്പ വനമേഖലയില്‍ കാര്‍ നിര്‍ത്തി കഞ്ചാവ് ബീഡി വലിക്കുകയായിരുന്ന പള്ളങ്കോട്ടെ 35 കാരനും പരപ്പയിലെ രണ്ടുപേരുമാണ് അറസ്റ്റിലായത്. വെള്ളിയാഴ്ച വൈകീട്ട് സംശയ സാഹചര്യത്തില്‍ കാറില്‍ കണ്ട ഇവരെ പരിശോധിച്ചപ്പോഴാണ് കഞ്ചാവ് ബീഡി കണ്ടെത്തിയത്.


മൂവരേയും കസ്റ്റഡിയിലെടുത്ത പോലീസ് പിന്നീട് ജാമ്യത്തില്‍ വിട്ടു. യുവാക്കള്‍ക്കിടയില്‍ മയക്കുമരുന്നിന്റെ ഉപയോഗം കൂടിവരുന്നതായി പോലീസ് പറഞ്ഞു. വിദ്യാര്‍ത്ഥികള്‍ക്കടക്കം കഞ്ചാവ് വിതരണം ചെയ്യുന്ന സംഘം ജില്ലയില്‍ പ്രവര്‍ത്തിക്കുന്നുണ്ടെന്നാണ് വിവരം. ഇപ്പോള്‍ സ്റ്റിക്കര്‍ മാതൃകയിലുള്ള ലഹരി വസ്തുക്കളും വിപണിയിലെത്തിയിട്ടുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, News, Adhur, Car, Ganja, Arrest, Police, Custody, Students, 3 arrested while smoking ganja.