ഓട്ടോറിക്ഷയില്‍ മുള്ളന്‍പന്നിയെ കടത്താന്‍ ശ്രമിച്ച രണ്ട് യുവാക്കളെ വനപാലകര്‍ പിടികൂടി

കാഞ്ഞങ്ങാട്: (www.kasargodvartha.com 07.10.2018) ഓട്ടോറിക്ഷയില്‍ മുള്ളന്‍പന്നിയെ കടത്താന്‍ ശ്രമിച്ച രണ്ട് യുവാക്കളെ വനപാലകര്‍ പിടികൂടി. ബളാല്‍ സ്വദേശികളായ കെ വിനു (26), ജിപ്സണ്‍ ആന്റോ (36) എന്നിവരെയാണ് ഫോറസ്റ്റ് മരുതോം സെക്ഷന് കീഴിലെ മരുതോംകുളത്തുവെച്ച് വനപാലകര്‍ പിടികൂടിയത്. ചോദ്യം ചെയ്തപ്പോള്‍ സ്വകാര്യവ്യക്തിയുടെ പറമ്പില്‍ കുടുങ്ങിക്കിടക്കുകയായിരുന്നു മുള്ളന്‍പന്നിയെന്ന് യുവാക്കള്‍ ഫോറസ്റ്റ് അധികൃതരോട് വ്യക്തമാക്കി.

സെക്ഷഷന്‍ ഫോറസ്റ്റ് ഓഫീസര്‍ സി കെ ലോഹിതാക്ഷന്‍, വനിതാ ബീറ്റ് ഫോറസ്റ്റ് ഓഫീസര്‍ പി.വി പ്രീതിമോള്‍, എന്‍.കെ സന്തോഷ്, സി.ജെ ജോസഫ്, എം.പി രാജു എന്നിവര്‍ ചേര്‍ന്നാണ് സംഘത്തെ പിടികൂടിയത്. മുള്ളന്‍പന്നിയെയും പ്രതികളെയും കാഞ്ഞങ്ങാട് റേഞ്ച് ഫോറസ്റ്റ് ഓഫീസര്‍ക്ക് കൈമാറി. പ്രതികളുടെ അറസ്റ്റ് രേഖപ്പെടുത്തി മജിസ്ട്രേറ്റിനുമുമ്പില്‍ ഹാജരാക്കി.

Photo: File