സ്‌കൂട്ടറും ലോറിയും കൂട്ടിയിടിച്ച് 2 യുവാക്കള്‍ക്ക് പരിക്ക്

By Web Desk - MainOct 7, 2018, 11:58 IST

ചെമ്മനാട്: (www.kasargodvartha.com 07.10.2018) സ്‌കൂട്ടറും ലോറിയും കൂട്ടിയിടിച്ച് രണ്ട് യുവാക്കള്‍ക്ക് പരിക്കേറ്റു. ചെമ്മനാട് മുണ്ടാങ്കുലത്ത് വെച്ച് ഞായറാഴ്ച പുലര്‍ച്ചെയാണ് അപകടമുണ്ടായത്. പൊയ്‌നാച്ചി സ്വദേശികളായ രണ്ട് യുവാക്കള്‍ക്കാണ് പരിക്കേറ്റത്. കാലിനും നെഞ്ചിനും പരിക്കേറ്റ ഇവരെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.

കെ എസ് ടി പി റോഡിലേക്ക് കയറുന്നതിനിടെ യുവാക്കള്‍ സഞ്ചരിച്ച സ്‌കൂട്ടറില്‍ ലോറി ഇടിക്കുകയായിരുന്നു. ഓടിക്കൂടിയ നാട്ടുകാരാണ് പരിക്കേറ്റവരെ ആശുപത്രിയില്‍ പ്രവേശിപ്പിച്ചത്. മംഗളൂരുവില്‍ പരീക്ഷ എഴുതാന്‍ പോവുകയായിരുന്നു യുവാക്കളെന്നാണ് വിവരം.