സ്‌കൂട്ടറില്‍ കാറിടിച്ച് രണ്ട് പേര്‍ക്ക് പരിക്ക്

File photo

കാസര്‍കോട്: സ്‌കൂട്ടറില്‍ കാറിടിച്ച് സ്‌കൂട്ടര്‍ യാത്രക്കാരായ രണ്ട് പേര്‍ക്ക് പരിക്കേറ്റു. സംഭവത്തില്‍ ബന്ധുവിന്റെ പരാതിയില്‍ കാര്‍ ഡ്രൈവര്‍ക്കെതിരെ പോലീസ് കേസെടുത്തു. ചെര്‍ക്കള ബംബ്രാണി നഗര്‍ ഹൗസിലെ മുസ്തഫയടെ മകന്‍ അഹമ്മദ് ഹാഷിമിന്റെ പരാതിയില്‍ കെ.എല്‍ 14 ഡി 5767 നമ്പര്‍ കാര്‍ ഡ്രൈവര്‍ക്കെതിരെയാണ് കേസ്.

അഹമ്മദ് ഹാഷിമിന്റെ ബന്ധുവായ അബ്ദുല്ലയ്ക്കും കൂടെ യാത്ര ചെയ്യുകയായിരുന്ന സ്ത്രീക്കുമാണ് ശനിയാഴ്ച കാസര്‍കോട് പഴയ ബസ് സ്റ്റാന്‍ഡ് പരിസരത്തുണ്ടായ അപകടത്തില്‍ പരിക്കേറ്റത്. ഇവര്‍ സഞ്ചരിച്ച കെ.എല്‍ 14 ജെ 6718 നമ്പര്‍ ഹോണ്ടാ ആക്ടീവ സ്‌കൂട്ടറില്‍ കാറിടിക്കുകയായിരുന്നു. പരിക്കേറ്റ ഇരുവരും കാസര്‍കോട്ടെ ആശുപത്രിയില്‍ ചികിത്സ തേടി.