മുന്‍കരുതലായി 2 പേര്‍ അറസ്റ്റില്‍

കാസര്‍കോട്: (www.kasargodvartha.com 24.06.2017) മുന്‍കരുതലായി രണ്ടു പേരെ കാസര്‍കോട് ടൗണ്‍ പോലീസ് അറസ്റ്റു ചെയ്തു. കുഡ്‌ലു ആര്‍.ഡി നഗറിലെ അജയകുമാര്‍ (20), രാംദാസ് നഗറിലെ കൗശിക് (19) എന്നിവരെയാണ് പോലീസ് അറസ്റ്റു ചെയ്തത്. കാസര്‍കോട്ടുണ്ടാകുന്ന അനിഷ്ടസംഭവങ്ങളെത്തുടര്‍ന്ന് കഴിഞ്ഞ ദിവസം സി.ഐ ഓഫീസില്‍ സമാധാന കമ്മിറ്റി യോഗം ചേര്‍ന്നിരുന്നു. കുറ്റകൃത്യങ്ങളില്‍ ഏര്‍പെടുന്നവര്‍ക്കെതിരെ കര്‍ശന നടപടിയെടുക്കാനാണ് പോലീസിന്റെ തീരുമാനം.

ഇതിന്റെ അടിസ്ഥാനത്തില്‍ രാത്രികാല പട്രോളിംഗ് ഊര്‍ജിതപ്പെടുത്താനും പോലീസ് തീരുമാനിച്ചു. സംശയസാഹചര്യത്തില്‍ കാണുന്നവരെ പിടികൂടാനും പോലീസ് തീരുമാനിച്ചിട്ടുണ്ട്. കാസര്‍കോടിന്റെ സമാധാനാന്തരീക്ഷം തകര്‍ക്കാന്‍ ശ്രമിക്കുന്നവരെ ഒറ്റപ്പെടുത്തണമെന്നും പോലീസ് പറഞ്ഞു.