പ്രണയബന്ധത്തെ വീട്ടുകാര്‍ എതിര്‍ത്തതോടെ 19കാരിയും തമിഴ് യുവാവും നാടുവിട്ടു

By Web Desk - MainJun 4, 2018, 17:55 IST

തൃക്കരിപ്പൂര്‍: (www.kasargodvartha.com 04.06.2018) പ്രണയബന്ധത്തെ വീട്ടുകാര്‍ എതിര്‍ത്തതോടെ 19കാരിയും തമിഴ് യുവാവും നാടുവിട്ടു. തൃക്കരിപ്പൂരില്‍ താമസിക്കുന്ന കര്‍ണാടക സ്വദേശിനിയായ സുജ (19)യാണ് കാമുകനായ തമിഴ്‌നാട് സ്വദേശിയായ യുവാവിനൊപ്പം നാടുവിട്ടത്. ഞായറാഴ്ച രാവിലെ മുതല്‍ സുജയെ കാണാനില്ലെന്ന് ബന്ധുക്കള്‍ ചന്തേര പോലീസില്‍ നല്‍കിയ പരാതിയില്‍ പറയുന്നു. പോലീസ് നടത്തിയ അന്വേഷണത്തിലാണ് കാമുകനൊപ്പം പോയതായി വ്യക്തമായത്.

ഇരുവരുടെയും പ്രണയബന്ധത്തെ കുറിച്ച് വീട്ടുകാര്‍ അറിഞ്ഞിരുന്നുവെങ്കിലും കുടുംബം ഇതിനെ എതിര്‍ക്കുകയായിരുന്നു. ഇതോടെയാണ് കമിതാക്കള്‍ നാടുവിട്ടത്. ഇരുവരെയും കണ്ടെത്താന്‍ പോലീസ് അന്വേഷണം ആരംഭിച്ചിട്ടുണ്ട്.