17കാരിയായ മകളെ പീഡിപ്പിച്ചതിന് പിതാവ് അറസ്റ്റില്‍

കുമ്പള: 17കാരിയായ മകളെ ലൈംഗികമായി പീഡിപ്പിച്ചതിന് പിതാവിനെ കുമ്പള പോലീസ് അറസ്റ്റുചെയ്തു. ആരിക്കാടി കടവത്തെ അബ്ദുര്‍ റഹ്‌മാനെ(43)യാണ് ഞായറാഴ്ച ഉച്ചയോടെ കുമ്പള പോലീസ് അറസ്റ്റുചെയ്തത്. പ്ലസ് ടു വിദ്യാര്‍ത്ഥിനിയായ മകളെ അഞ്ചുമാസമായി അബ്ദുര്‍ റഹ്മാന്‍ പീഡിപ്പിക്കുന്നതായാണ് പരാതി. പീഡനം അസഹ്യമായതിനെ തുടര്‍ന്ന് പെണ്‍കുട്ടി വെള്ളിയാഴ്ച വീടുവിട്ടിറിങ്ങിപ്പോയിരുന്നു.

പെണ്‍കുട്ടിയെ കഴിഞ്ഞദിവസം തിരുവനനന്തപുരം റെയില്‍വേ സ്റ്റേഷനില്‍ അവശനിലയില്‍ കണ്ടതിനെത്തുടര്‍ന്ന് ചോദ്യം ചെയ്തപ്പോഴാണ് പിതാവിന്റെ പീഡനക്കാര്യം പുറത്തായത്. ഇതിനെത്തുടര്‍ന്ന് തിരുവനന്തപുരം പോലീസ് കേസെടുക്കുകയും അബ്ദുര്‍ റഹ്‌മാനെ അറസ്റ്റുചെയ്ത് വിശദമായി അന്വേഷിക്കാന്‍ കേസ് കുമ്പള പോലീസിന് കൈമാറുകയുമായിരുന്നു.

പ്രതിയെ കുമ്പള എസ്‌ഐ രാജീവന്‍ വലിയവളപ്പിലിന്റെ നേതൃത്വത്തിലാണ് അറസ്റ്റുചെയ്തത്. ഇയാളെ കൂടുതല്‍ ചോദ്യം ചെയ്തുവരികയാണ്. അതോടൊപ്പം പെണ്‍കുട്ടിയെ കുമ്പളയില്‍ കൊണ്ടുവരാനും വൈദ്യപരിശോധയ്ക്ക് വിധേയമാക്കാനും നടപടി സ്വീകരിച്ചുവരുന്നതായും പോലീസ് പറഞ്ഞു.

Also read: 
ആം ആദ്മി പാര്‍ട്ടി മൂന്ന് മാസം തികയ്ക്കില്ല: നിതിന്‍ ഗഡ്കരി