കാറില്‍ കടത്തിയ 1680 കുപ്പി വിദേശമദ്യം പിടികൂടി

മുള്ളേരിയ: കാറില്‍ കടത്തുകയായിരുന്ന 1680 കുപ്പി വിദേശമദ്യം പൊലീസ് പിന്‍തുടര്‍ന്ന് പിടികൂടി. കാറിലുണ്ടായിരുന്ന രണ്ടുപേര്‍ ഓടി രക്ഷപ്പെട്ടു. ബുധനാഴ്ച പുലര്‍ച്ചെ ഒന്നരയോടെ മുള്ളേരിയ ടൗണില്‍ എസ്‌ഐ എ നാരായണന്റെ നേതൃത്വത്തില്‍ നടത്തിയ വാഹന പരിശോധനക്കിെടയാണ് ഹോണ്ട സിറ്റി കാര്‍ പിടിയിലായത്. കാറിന്റെ ഡിക്കിയിലെ സീറ്റിനടിയില്‍ ഒളിപ്പിച്ച 35 ബോക്‌സുകളിലായി 180 മില്ലിയുടെ 48 കുപ്പികളാണ് പിടിച്ചെടുത്തത്.

File photo

മുള്ളേരിയ ടൗണില്‍ പൊലീസ് ജീപ്പ് കണ്ടപ്പോള്‍ കാര്‍ പൈക്ക റോഡിലൂടെ ഓടിച്ച് രക്ഷപ്പെടാന്‍ ശ്രമിച്ചു. ഓവര്‍ ബ്രിഡ്ജിന് സമീപത്തെത്തിയപ്പോള്‍ കാര്‍ ഉപേക്ഷിച്ച് കടന്ന് കളഞ്ഞു. കാറില്‍ നിന്ന് ഒരു മൊബൈല്‍ ഫോണ്‍ കണ്ടെത്തി. പോണ്ടിച്ചേരിയില്‍ വില്‍ക്കേണ്ട മദ്യമാണ് കടത്തിയത്. ഗോവയില്‍ രജിസ്റ്റര്‍ ചെയ്ത കാര്‍ കേരളത്തിലെ വ്യാജ നമ്പര്‍ പ്ലെറ്റ് ഉപയോഗിച്ചാണ് വിദേശമദ്യം കടത്തിയത്.