ജ്വല്ലറിയില്‍ നിന്ന് സ്വര്‍ണം വാങ്ങിയതിന് നല്‍കിയ 15 ലക്ഷം ഇടനിലക്കാരന്‍ തട്ടി

കാസര്‍കോട്: ജ്വല്ലറിയില്‍ നിന്ന് സ്വര്‍ണം വാങ്ങിയതിന് നല്‍കിയ 20 ലക്ഷം രൂപയില്‍ നിന്ന് 15 ലക്ഷം ഇടനിലക്കാരന്‍ തട്ടിയതായി പരാതി. പാറക്കട്ടയിലെ ശ്രീപാദം ഹൗസില്‍ അമ്പുവിന്റെ മകന്‍ പി.വി. സത്യന്റെ പരാതിയില്‍ നീലേശ്വരം പള്ളിക്കര കറുത്ത ഗേറ്റിനു സമീപത്തെ സുരേഷിനെതി (50) രെയാണ് കേസെടുത്തത്.

2013 ഏപ്രില്‍ രണ്ടിന് ഒരു ജ്വല്ലറിയില്‍ നിന്നും ഇടനിലക്കാരനായ സുരേഷ് മുഖാന്തരം സത്യന്‍ 20 ലക്ഷം രൂപയുടെ സ്വര്‍ണം വാങ്ങിയിരുന്നു. സുരേഷ് വഴിയാണ് സത്യന്‍ പണം നല്‍കിയത്. എന്നാല്‍ 20 ലക്ഷം രൂപയില്‍ അഞ്ചു  ലക്ഷം രൂപമാത്രമാണ് സത്യന്‍ ജ്വല്ലറിയില്‍ കൊടുത്തത്. ബാക്കി 15 ലക്ഷം ഇടനിലക്കാരന്‍ തട്ടിയെടുത്തുവെന്നാണ് പരാതി. വിശ്വാസ വഞ്ചന നടത്തിയതിനാണ് സുരേഷിനെതിരെ പോലീസ് കേസെടുത്തത്.