കരിഞ്ചന്തയിലേക്ക് കടത്താന്‍ ശ്രമിച്ച 12 ചാക്ക് റേഷനരി പിടിയില്‍; പഞ്ചായത്തംഗമടക്കം 4 പേര്‍ അറസ്റ്റില്‍

കാസര്‍കോട്: റേഷന്‍ കടയില്‍ നിന്ന് കരിഞ്ചന്തയിലേക്ക് കട്ട് കടത്തുകയായിരുന്ന 12 ചാക്ക് അരി പോലീസ് പിടികൂടി. റേഷന്‍ കട ഉടമയായ ഗ്രാമപഞ്ചായത്ത് മെമ്പറടക്കം നാല് പേരെ അറസ്റ്റുചെയ്തു. ബുധനാഴ്ച രാത്രി എട്ട് മണിയോടെ ചൗക്കി മയില്‍പാറയിലെ എ.ആര്‍.ഡി. 138-ാം നമ്പര്‍ റേഷന്‍ കടയില്‍ നിന്നാണ് കരിഞ്ചന്തയിലേക്ക് കൊണ്ടുപോവുകയായിരുന്ന അരി പിടികൂടിയത്.

കെ.എല്‍. 14 കെ. 3334 നമ്പര്‍ ആപ്പെ ഓട്ടോ റിക്ഷയയില്‍ കടത്താന്‍ ശ്രമിക്കുന്നതിനിടെ രഹസ്യവിവരം കിട്ടി ടൗണ്‍ എസ്.ഐ. ടി. ഉത്തംദാസും സംഘവുമാണ് അരി പിടികൂടിയത്. റേഷന്‍കട ഉടമയായ മധൂര്‍ പഞ്ചായത്ത് മെമ്പര്‍ സൂര്‍ളുവിലെ രാധാകൃഷ്ണന്‍ (47), ഓട്ടോ ഡ്രൈവര്‍ വിദ്യാനഗര്‍ ചിന്മയ കോളനിയിലെ കെ. രാജേഷ് (32), റേഷന്‍ കടയിലെ സെയില്‍സ് മാനും രാധാകൃഷ്ണന്റെ സഹോദരനുമായ വസന്ത (34), അരി കച്ചവടക്കാരന്‍ ആലംപാടി പടിഞ്ഞാര്‍ മൂലയിലെ ബി.എ. അഹ് മദ്കുഞ്ഞി (55) എന്നിവരാണ് അറസ്റ്റിലായത്.


50 കിലോ വീതമുള്ള 12 ചാക്ക് പച്ചരിയാണ് കടത്താന്‍ ശ്രമിച്ചത്. പ്രതികളെ പോലീസ് കൂടുതല്‍ ചോദ്യംചെയ്തുവരികയാണ്. നേരത്തെയും ഇതുപോലെ അരി മറിച്ച് വിറ്റിട്ടുണ്ടോയെന്ന് പോലീസ് അന്വേഷിക്കുകയാണ്. ഉപഭോക്താക്കള്‍ക്ക് ന്യായവിലയ്ക്ക് വിതരണംചെയ്യാനുള്ള അരിയാണ് മറിച്ചുവില്‍ക്കാന്‍ ശ്രമമുണ്ടായത്.

Advertisement:

• മലബാറില്‍ ആദ്യമായി സിമുലേറ്ററിന്റെ സഹായത്തോടെ ഡ്രൈവിംഗ് പരിശീലനം Call: 9400003096 
• കാസര്‍കോട് ആദ്യമായി മൊബൈല്‍ കാര്‍ വാഷ് യൂണിറ്റ് . വിവരങ്ങള്‍ക്ക് വിളിക്കുക: 9539447444/ 8139875333/ 8139865333
• വൈദ്യുതി മുടക്കമോ? ഉയര്‍ന്ന നിലവാരത്തിലുള്ള ഇന്‍വേര്‍ട്ടറുകളും ബാറ്ററിയും.... വിളിക്കുക: +91 944 60 90 752 
• കറന്റ് ബില്ല് ഷോക്കടിപ്പിച്ചോ? വൈദ്യുതി ലാഭിക്കാം..വിളിക്കുക: +91 944 60 90 752