കാസര്‍കോട്ട് സമാധാനം ഉറപ്പാക്കാന്‍ പോലീസ് ജാഗ്രത പുലര്‍ത്തണം: എന്‍.വൈ.എല്‍.

ആസിഫലി പാടലടുക്കം

ഹനീഫ് തുരുത്തി

കാസര്‍കോട്: കാസര്‍കോട്ടും പരിസരപ്രദേശങ്ങളിലും സമാധാനാന്തരീക്ഷം ഉറപ്പുവരുത്താന്‍ പോലീസ് ഉണര്‍ന്ന് പ്രവര്‍ത്തിക്കണമെന്ന് നാഷണല്‍ യൂത്ത് ലീഗ് കാസര്‍കോട് മണ്ഡലം കമ്മിറ്റിയോഗം ആവശ്യപ്പെട്ടു. ഇടയ്ക്കിടെയുണ്ടാകുന്ന അനിഷ്ട സംഭവങ്ങള്‍ നഗരത്തിലെ ചെറുകിട വ്യാപാരികളെയാണ് കൂടുതല്‍ ബാധിക്കുന്നതെന്ന് യോഗം ചൂണ്ടിക്കാട്ടി.

നൗഷാദ് എരിയാല്‍

കുറ്റവാളികള്‍ക്കെതിരെ മുഖംനോക്കാതെ നടപടിയെടുക്കാന്‍ പോലീസ് തയ്യാറാകണമെന്നും യോഗം ആവശ്യപ്പെട്ടു. ജില്ലാ പ്രസിഡന്റ് റഹീം ബെണ്ടിച്ചാല്‍ ഉദ്ഘാടനം ചെയ്തു. ഹനീഫ് തുരുത്തി ആധ്യക്ഷത വഹിച്ചു. ഹൈദര്‍ കുളങ്കര, സിദ്ദീഖ് ചെങ്കള, അഷ്‌റഫ് തുരുത്തി, നവാസ് പടിഞ്ഞാര്‍, നജീബ് നായന്മാര്‍ മൂല, സമീര്‍ പാറക്കട്ട, നൗഷാദ് എരിയാല്‍ പ്രസംഗിച്ചു. ജനറല്‍ സെക്രട്ടറി ആസിഫലി പാടലടുക്ക സ്വാഗതം പറഞ്ഞു.

പുതിയ ഭാരവാഹികളായി ഹനീഫ് തുരുത്തി (പ്രസിഡന്റ്), നവാസ് പടിഞ്ഞാര്‍, കുഞ്ഞാമു ആലംപാടി (വൈസ് പ്രസിഡന്റ്), ആസിഫലി പാടലടുക്കം (ജനറല്‍ സെക്രട്ടറി), സമീര്‍ പാറക്കട്ട, സാജി മേനംകോട് (ജോയിന്റ് സെക്രട്ടറി), നൗഷാദ് എരിയാല്‍ (ട്രഷറര്‍) എന്നിവരെ തെരഞ്ഞെടുത്തു.